AQSH pen onyń odaqtastary KHDR-ǵa jaýap retinde joıqyn, ári kúshti soqqy jasaýǵa daıyn. Bul jaıynda AQSH-tyń Tynyq muhıt jaǵalaýyndaǵy VVS arnasynyń basshysy Terrens O’Shonessı málim etti, dep habarlaıdy Qamshy.kz aqparat agenttigi.

Generaldyń aıtýynsha, Soltústik Koreıa «aımaqtyq turaqtylyqqa qatysty tikeleı qater» bolyp qalady. Alaıda, Soltústik Koreıa máselesin sheshý úshin dıplomatıa basym bolý qajet.

«Eger buıryq berilse, biz ózimiz tańdaǵan jerge joıqyn ári kúshti soqqy jasaýǵa daıynbyz», - deıdi Terrens O’Shonessı.

Esterińizge sala ketsek, 29 shildede Soltústik Koreıa Japonıadaǵy Hokkaıdo aralyna qaraı baǵyttalǵan balıstıkalyq raketany iske qosyp, synaqtan ótkizgen bolatyn. Phenán da balıstıkalyq zymyrandy alǵash ret túngi ýaqytta iske qosyp, synaq júrgizgen.

KHDR «Hvason-14» balıstıkalyq zymyranynyń sátti túrde iske qosylǵandyǵyn málimdegen bolatyn. Derekterge sáıkes, zymyrannyń ushý ýaqyty 47 mınýt 12 sekýndqa deıin jetken. Al onyń ushý qashyqtyǵy 998 shaqyrym bolsa, maksımaldy bıiktigi 3724,9 myńǵa deıin barǵan.