Bıyl respýblıkada 75 jańa mektep ashylady. Elimizde 369 myń bala  bilim oshaqtaryna 1 synypqa barady. Al ustazdar sany 325 myńdy qurasa, jańa oqý jylynda  10 myń jas maman muǵalimder qataryna qosylmaq dep habarlaıdy Qamshy.kz aqparat agenttigi. 

Bul týraly Ortalyq komýnıkasıalar qyzmetinde ótken baspasóz konferensıada QR Bilim jáne ǵylym mınıstriligi Mektepke deıingi jáne orta bilim departamentiniń dırektory  Zeınep Maqsutova málimdedi.

«Mektepke jol» jalpyrespýblıkalyq aksıasynyń bastalýyna arnalǵan jıynda bıylǵy aksıanyń  «Meniń tańdaýym - balalarǵa kómek kórsetý!» uranymen ótkiziletini aıtyldy. Munda  áleýmettik az qamtylǵan balalarǵa kómek kórsetilip qana qoımaı,  mektepke barmaıtyn balalardy reıdtik is-sharalar, páterlerdi aralaý arqyly anyqtaýǵa, mektepke daıyndaý boıynsha áleýmettik qorǵalmaǵan otbasydan shyqqan balalarǵa kómek kórsetýge asa kóńil aýdarylady. Uıymdastyrýshylar elimizdiń barlyq azamattaryn, kásipkerlerdi, mesenattardy aksıaǵa qosylýǵa jáne qıyn jaǵdaıǵa tap bolǵan balalarǵa, otbasylarǵa kómek kórsetýge shaqyrdy.