«Barselona» klýbynyń shabýylshysy Neımar 2 tamyz kúni Katardaǵy «PSJ» klýbyna aýysýy úshin medısınalyq tekseristen ótedi. Ispanıalyq Marca basylymynyń habarlaýynsha, dál osy kúni ol parıjdik klýbtyń basshysy Nesser Ál Heılaıfımen kezdesedi, dep jazady Qamshy.kz aqparat agenttigi.

Buǵan deıin sheteldik BAQ Neımar «PSJ» klýbyna aýysatyn bolsa, onda fransýzdyq klýbtyń bas demeýshisi Qatar Sports Investments kompanıasymen kelisimshart jasaıtynyn habarlady. Bul kelisimshart boıynsha brazılıalyq fýtbolshy Katardaǵy álem chempıonatynyń resmı ókili atanady, ári bes jyldyń ishinde 300 mıllıon eýro kóleminde paıda tabady.

 Eske salaıyq, ótken aptada Marca basylymy «PSJ» klýbyna Neımardy «Barselonadan» 222 mıllıon evroǵa satyp alatyny týraly jazdy. Sondaı-aq bul kelisimshart boıynsha Neımardyń ákesi ári onyń agenti 40 mıllıon evro kóleminde syıaqy alatyny aıtyldy. Al shabýylshynyń bir jyldyq jalaqysy 30 mıllıon eýro bolady.

Aıta keteıik, Neımar «Barselona» sapyna 2013 jyly brazılıalyq «Santos» sapynan aýysyp keldi. Osy ýaqytqa deıin ol katalonıalyq klýb sapynda 123 kezdesýge qatysyp, 68 gol soqty. Sonymen qatar ol «Barselonamen» birge eki ret Ispanıa birinshiligin, úsh ret Ispanıa kýbogyn, Chempıondar lıgasyn, ÝEFA sýperkýbogyn, Ispanıa sýperkýbogyn jáne klýbtar arasyndaǵy álem chempıonatyn jeńip aldy.