Mysyrda alty qazaqstandyq stýdenttiń ustalyp, olardyń taǵdyryna qatysty aqparattyń berilmeýine baılanysty Qazaqstan Mysyrǵa narazylyq notasyn joldady, dep habarlaıdy Qamshy.kz aqparat agenttigi Qazaqstan Respýblıkasy syrtqy ister mınıstrligi baspasóz qyzmeti basshysy Ánýar Jaınaqovqa silteme jasap.

«Mysyrda alty qazaqstandyqtyń joǵalyp ketkenine biraz ýaqyt boldy. QR SİM málimetinshe, olardy Mysyrdyń arnaıy qyzmetkerleri ustady. Alaıda Mysyr tarapynan QR azamattarynyń ne sebepti ustalǵanyn jáne qazirgi ýaqytta qaıda ekeni jaıly resmı aqparat joq.  Mysyr eliniń  syrtqy ister mınıstrligi buǵan deıin ustalǵan Qazaqstan azamattaryna qatysty jaǵdaıdy anyqtaýǵa kómek kórsetý týraly ýáde bergenimen, ázirge ol oryndalmady. Osyǵan baılanysty,  Mysyr eliniń syrtqy ister mınıstrligine resmı qarsylyq notasy joldandy. Mysyrdyń  Qazaqstandaǵy ýaqytsha senimdi ýákiline de osyndaı nota tapsyryldy. Biz Mysyr  bıliginen Qazaqstan azamattarynyń ustalý sebebin túsindirýdi jáne olarmen jolyqtyrýdy talap ete beremiz"- dedi Anýar  Jaınaqov.

Eske sala keteıik, 24 shildede  Abylaıhan atyndaǵy ýnıversıtettiń eki stýdenti Mysyr elinde  joǵalyp ketken edi. Keıin stýdentterdi Mysyrdyń quqyq qorǵaý organdary ustap áketkeni belgili boldy. Biraq ne sebepti ustalǵandary týraly aqparat joq.