Mańǵystaý oblysyna Eraly Toǵjanov ákim bolyp bardy degende bir qýanǵanbyz. Búgin oblys ákimi eki birdeı orynbasaryn taǵaıyndady. Mańǵystaý oblysy ákiminiń áleýmettik sala boıynsha orynbasary bolyp Sqaqov Maqsat Nurlybekuly taǵaıyndalsa, oblysy ákiminiń taǵy bir orynbasary bolyp Sakeev Rýslan Kenesaryuly taǵaıyndaldy.

Maqsat Nurlybekuly 1978 jyly týǵan. «Memlekettik jáne jergilikti basqarý» mamandyqtary boıynsha bitirgen. «Bolashaq» baǵdarlamasymen bilim alǵan. Fılosofıa jáne ekonomıka ǵylymdarynyń doktory. Eńbek jolyn 2000 jyly QR İshki ister organynan bastap, QR Prezıdentiniń kúzet qyzmetinde, Ulttyq Qaýipsizdik Komıtetinde, QR Mádenıet, Bilim jáne Ǵylym mınıstrlikterinde, QR Premer-Mınıstriniń Keńesshisi, QR Mádenıet jáne Aqparat  mınıstrliginiń tilder komıtetiniń tóraǵasy qyzmetin atqarǵan. 2016 jyldan bastap qazirgi ýaqytqa deıin QR Bas Prokýrorynyń erekshe mańyzdy tapsyrmalary boıynsha aǵa kómekshi qyzmetinde bolǵan.

Maqsat Nurlybekuly bir salanyń basyn ǵana ustap, kabınetinde buıyǵy kún keshiretin sheneýnikterden emes. Jáne bir salanyń ǵana mamany bolyp qatyp qalǵan joq. «Bolashaq» baǵdarlamasynyń jemisin kórsetken túlekterdiń biri boldy. Ol qazaq qoǵamyna talaıdan tanys. Elbasynyń ózin tánti etken sheshendigi bar. Tilge degen janashyrlyǵy bar. Ol memlekettiń joǵary basqarý organdarynyń bárinde derlikteı qyzmet atqardy. Masqat Sqaqov qazaq halqynyń birligi men tutastyǵyn saqtaýdyń mańyzdylyǵyn basa aıtyp júrgen azamattardyń biri. El men Elbasynyń alqaýyna bólengen azamattyń jańa qyzmetine tek qana tabys tileımiz.

Nurǵalı Nurtaı