Venesýela prezıdenti Nıkolas Madýro Qorshaǵan ortany qorǵaý mınıstri Horhe Arresany Samýel Monkadanyń ornyna SİM basshysy etip taǵaıyndady. Bul týraly memleket basshysy sársenbi kúni Venezuela de Television arnasyna bergen suhbatynda aıtty, dep habarlaıdy Qamshy.kz aqparat agenttigi.

«Men Horhe Arresany Syrtqy ister mınıstri etip taǵaıyndadym», - dedi ol.

Madýronyń aıtýynsha, Monkado «arnaıy mindetterdi» atqaratyn bolady. Ol Vashıngtonǵa Soltústik Amerıka SİM basshysynyń orynbasary, amerıkalyq memleketter uıymdarynyń ókili retinde baryp, Venesýelanyń abyroıyn qorǵaıdy.

Arresa Qorshaǵan ortany qorǵaý mınıstrinen buryn Joǵarǵy bilim, ǵylym jáne tehnologıa mınıstri, sondaı-aq vıse-prezıdent bolǵan.

Aıta keteıik, sáýirden beri prezıdent Nıkolas Madýronyń saıasatyna qarsy elde narazylyq sherýi ótip keledi. Sonyń saldarynan birneshe adam qaza tapqan, zardap shekkenderi de kóp.  

Sondaı-aq, AQSH-tyń Venesýelaǵa qarsy sanksıalar engizbek oıy da habarlanǵan. Sanksıa sharalary amerıkalyq shıki munaı jetkizilimderine qatysty. Sondaı-aq, joǵarǵy laýazymdaǵy sheneýnikterge de qatysy bary aıtylǵan.