Búgin Astanada «Qazaqstan Halyq banki» AQ (budan ári– «Bank») jáne «Qazposhta» AQ (budan ári– «Kompanıa») arasyndaǵy yntymaqtastyq týraly memorandýmǵa qol qoıý rásimi ótti.   

Qol qoıý rásimine «Qazposhta» AQ basqarma tóraǵasy Sáken Sarsenov jáne «Qazaqstan Halyq banki» AQ basqarma tóraıymy Úmit Shaıahmetova qatysty. Ataýly qujat Halyq banki men Halyk Group Qazposhta úshin qyzmet kórsetý bóliginde Bank jáne Kompanıanyń ózara yntymaqtastyqty damytý boıynsha jáne Qazposhta agenttik, poshta, sondaı-aq ózge de qyzmetterdi Halyq bankine jekelegen baǵyttar boıynsha qyzmet kórsetý nıettin sıpattaıdy. Atap aıtqanda, Qazposhta jeke tulǵalarǵa bank ónimderin satý týraly - depozıtter, kredıtter jáne ózge de ónimderdi halyqtyń qajettilikterine baılanysty Halyq banki bólimsheleri joq aýyldyq eldi mekenderde avtomattandyrylǵan Kompanıa bólimshelerinde usynylady. Sondaı-aq Halyq bankinde ashylǵan shottarǵa jeke tulǵalardyń tólemderin Qazposhta bólimshelerinde qabyldanyp jáne óz kezeginde ony aýdarý múmkindikteri eki jaqty qarastyrylýda. Halyq banki jáne Qazposhta ókilderi bank klıentterine tólem kartochkalardy jetkizý, hat-habarlardy alýshyǵa deıin jetkizý boıynsha poshtalyq qyzmet, sonyń ishinde, poshtamattar arqyly álternatıvti jetkizý qyzmeti bóliginde yntymaqtastyqty ornatý jaıly talqylaýda. Memorandým aıasynda Qazposhtanyń ınkasasıa qyzmetin kórsetý múmkindigi boıynsha, sonyń ishinde, Bank bólimshelerinen alshaq ornalasqan aýdan ortalyqtarynda qaıta esepteý jáne qolma-qol aqshany saqtaý máseleleri qaralady.

Qazaqstan Halyq banki basqarma tóraıymy Úmit Shaıahmetovanyń aıtýynsha, «Biz Qazposhtamen jaǵymdy seriktestikti ornatýdy kózdep otyrmyz, bul shyǵyndardy qysqartý úderisi bóliminde eki jaqqa tıimdi, mundaı úlken Halyq toby jáne Qazposhta tárizdi kompanıaǵa bul óte ózekti bolyp tabylady. Biz Halyq bank retinde bul yntymaqtastyqtan alatynymyz, keıde aýyldyq jerlerde bizge ókildikti ashý tıimsiz, biraq halyqqa árıne sózsiz qarjylyq qyzmetke qoljetimdilik qajet, osy tarapta Qazposhtamen birlese otyryp biz bul máseleni sheshe alamyz. Qazposhta qaladaǵy bizdiń aýqymdy fılıaldar jelisi men buqaralyq klıenttik bólshek bazamyzdan paıda tabady, yntymaqtastyqtan sınergetıkalyq áser bolýy anyq».

"Qazpochta agenttik qyzmetterdi belsendi damytýda. Biz ekinshi deńgeıli bankterdiń,saqtandyrý, TJ/áýebıleti jáne EHRO-ǵa bıletterdi  satý agenti bolyp tabylamyz. Qazirdiń ózinde qazaqstandyqtar elimizdegi barlyq avtomattandyrylǵan Qazposhta bólimshelerinde kredıt jáne depozıtti rásimdeı alady. Sonyń ishinde 62%-y aýyldar men aýdandarda ornalasqan. Endi shartty rásimdeý úshin qalaǵa shyǵýdyń qajettiligi joq, mysaly  QTQJB-ǵa. Bizdiń operatorlar tıisti oqytýlardan ótip, depozıtterdi ashý jáne kredıtteý baǵdarlamasyn irikteý boıynsha qyzmet usynady.

Biz búgin strategıalyq seriktesimiz - Qazaqstan Halyq bankimen kelisimge qol qoıyp jáne qyzmetter Qazposhta bólimshelerinde de usynylatyn bolady. Osylaısha biz árbir Qazaqstan turǵynyna erkin qarjylyq qyzmetterge qoljetimdilikti qamtamasyz etemiz. Tólemderdi qabyldaýdan basqa bank klıentterine kartochkalardy jetkizý, poshtamat arqyly álternatıvti jetkizý, ınkasasıalaý, ásirese bank bólimshelerinen shalǵaıda ornalasqan aýdan ortalyqtarynda qaıta esepteý jáne qolma-qol aqshany saqtaýdy josparlap otyrmyz», - dep Qazposhta AQ basqarma tóraǵasy Sáken Sarsenov atap ótti.

Osy jobalardy iske asyrý eki taraptyń birlese jumys atqarýyn talap etedi, onyń ishinde aqparattyq júıelerdi ıntegrasıalaý. Tıisinshe, jobalardy engizý taraptardyń tehnıkalyq daıyndyǵyna qaraı júzege asyrylady jáne tıisti kelisim sharttar jasasýyna baılanysty bolady.

Aıta ketý kerek, Qazaqstan Halyq bankiniń jáne Qazkommersbanktiń birikken fılıaldyq jelisi fılıaldardy qosa alǵanda 748 satý arnalaryn quraıdy. 2017 jylǵy 1 tamyzdaǵy kórsetkishter boıynsha Halyk Bank klıentter sany -  7.5 mln klıent, al Qazkom – 5.4 mln quraıdy.

Qazposhta fılıaldyq jelisi 3 400 bólimsheni usynady, bul Qazaqstan boıynsha 23 myń qyzmetker. Bul rette, Kazposhta klıentteriniń 70%-y aýyldy jerlerde turady.

Aıta keter bolsaq, Halyk Bank – eń iri júıequraýshy ámbebap komersıalyq bank, aktıvterdiń mólsheri jáne menshikti kapıtal boıynsha Qazaqstanda №1, Halyq toby– TMD-da aktıvterdiń kólemi boıynsha jeke menshik qarjy toby retinde úzdik úshtikke kiredi.

Al Qazposhta AQ – poshtalyq, agenttik jáne logıstıkalyq qyzmetterdi usynatyn Qazaqstan Respýblıkasyndaǵy poshtalyq baılanystyń ulttyq operatory. Qazposhta AQ dúnıejúzilik poshta odaǵynyń quramynda, PostEurop eýropalyq poshta operatorlarynyń Qaýymdastyǵynyń múshesi. VISA International jáne MasterCard Worldwide halyqaralyq tólem júıeleriniń qatysýshysy. Kompanıanyń jalǵyz aksıoneri - "Samuryq-Qazyna" AQ bolyp tabylady.