AQSH prezıdenti Donald Tramp saılaýdaǵy jeńisine Reseıdiń qatysy joq ekenin málimdedi, dep jazady Qamshy.kz aqparat agenttigi. BAQ taratqan aqparattarǵa qaramastan, AQSH ádilet mınıstrligi saılaý nátıjesine Reseıdiń qatysy bar-joǵyn tergeý úshin qazylar shaqyrǵan.

«Bizdiń kampanıada birde-bir orystyń bolamaǵany kóbisine málim. Meniń prezıdent bolǵanyma Reseıdiń qatysy joq. Biz sizderdiń arqalaryńyzda jeńiske jettik», - dedi Tramp 3 tamyzda Batys Vırdjınáǵa sapary barysynda. Sondaı-aq Tramp Reseımen baılanysty oqıǵalardy oıdan shyǵaryp júrgen barlyq demokrattardy aıyptady.

Aıta keteıik, budan buryn Wall Street Journal basylymy jáne basqa da  aqparat agenttikteri Robert Múller esimdi arnaıy prokýror 2016 jyly AQSH-ta ótken prezıdenttik saılaýǵa Reseıdiń qatysy bar-joǵyn anyqtaý úshin qazylar shaqyraǵanyn habarlaǵan.

Sondaı-aq, Tramp saılaýǵa Reseı qoldaý kórsetti degen oı «biz úshin, memleketimiz ben Konstıtýsıamyz úshin qorlaýmen teń» dedi.