Astanada 5 – 9 tamyzy aralyǵynda Qostanaı oblysynyń kúnderi ótedi. Oblystyń aýylsharýashylyq ónimderiniń 100 túrinen 650 tonnaǵa jýyq azyq-túlik jármeńkege qoıylady. Óńirdiń taýarlary men óndirisinen bólek Astana jurtshylyǵy Qostanaıdyń óner ujymdarynyń qoıylymdaryn tamashalaı alady dep habarlaıdy Qamshy.kz aqparat agenttigi. 

Ortalyq komýnıkasıalar qyzmetinde Qostanaı oblysynyń kúnderine baılanysty oblystyq ishki saıasat basqarmasynyń basshysy Bıbigúl Aqqojına, oblystyq aýyl sharýashylyǵy basqarmasynyń basshysy Baıbosyn Mýrzın, oblystyq mádenıet basqarmasynyń basshysy Erlan Qalmaqov sharanyń baǵdarlamasymen tanystyrdy.

Baspasóz konferensıada oblystyq aýyl sharýashylyǵy basqarmasynyń basshysy Baıbosyn Mýrzın, Qostanaı oblysy ónimin arttyrýda respýblıka boıynsha alǵashqy qatarda turǵan aımaq ekenin atap ótti.  Bıdaı ósimi 49%-ǵa, un óndirisi 57%-ǵa, sút jáne sút taǵamdary 57%-ǵa, et jáne et ónimderi ótken jyldarmen salystyrǵanda 3,7 esege ósken.

Sonymen qatar 5 jáne 6 tamyz kúnderi «Qazaqstan» sport kesheninde Qostanaı oblysynyń 14 aýdany men qalalary aýyl sharýashylyǵy taýaryn óndirýshileriniń qatysýymen jármeńke ótkizedi. Onda shujyq, sút, kondıterlik, un jáne makaron ónimderi túrleriniń 100 astam ataýy jáne basqa da ónimder taýar óndirýshilerdiń baǵasymen 650 tonna kóleminde usynylady. Astana turǵyndary men qonaqtary úshin azyq-túlik baǵasy, naryqtyq baǵadan tómen bolmaq.

Astana qalasynyń Ortalyq alańynda 9 tamyz kúni Qostanaı oblysy kúnderiniń saltanatty jabylý rásimi ótedi. Mádenı kúnderdiń shymyldyǵyn Big-bandtyń «V krýgý drýzeı ı sovremennyh rıtmov» atty jazdyq sholýy jabady.