Petropavldaǵy   mádenıet jáne demalys saıabaǵynda memleket jáne qoǵam qaıratkeri, Uly Otan soǵysynyń ardageri, Sosıalısik Eńbek Eri, Soltústik Qazaqstan oblysynyń qurmetti azamaty  Báıken Áshimovtiń eskertkish-músininiń ashylýyna arnalǵan saltanatty rásim ótti. Bul  shara Báıken Áshimulynyń týǵanyna 100 jyl tolýyna oraı  uıymdastyryldy dep habarlaıdy Qamshy.kz aqparat agenttigi.

Atalmysh sharaǵa  qoǵam qaıratkerleri,  shyǵarmashyl zıaly qaýym,  ardagerler, mereıtoı ıesiniń týysqandary, sol sıaqty jergilikti ýnıversıtet pen kolejderdiń stýdentteri qatysty.  Jınalǵandardy Soltústik Qazaqstan oblysynyń ákimi Qumar Aqsaqalov quttyqtady. Óńir basshysy uly tulǵalardyń  esimin ulyqtaý, tarıhı-mádenı nysandar ashý, eskertkishter ornatý -  Elbasynyń «Rýhanı jańǵyrý» baǵdarlamasyn júzege asyrýdyń ózekti baǵyttarynyń biri ekendigin atap aıtty.

«Baǵdarlamany júzege asyrý bizdiń memleketimizdiń, halqymyzdyń tarıhyn tanýǵa,  el tarıhynda eshkimge uqsamaıtyn Báıken Áshimov sıaqty kemel tulǵalardyń  ǵalamat rólin sezinýge jol ashady. Uly Otan soǵysy jyldarynda kórsetken erligi men tabandylyǵy úshin  «Qyzyl Juldyz», eki márte birinshi dárejeli «Otan soǵysy» ordenderimen, «Erligi úshin» \medalimen, Polshany azat etkeni úshin ordenmen marapattaldy. Partıalyq keńes jumysynda ol ózin dana uıymdastyrýshy jáne saıasatker  retinde ,kórsete bildi. Árıne, ol Mınıstrler kabınetiniń tóraǵasy  laýazymynda Qazaq  KSR-iniń damýyna  baǵa jetpes úles qosty. Memleket basshysy Báıken Áshimovti «Otan» ordenimen  marapattaı otyryp, Báıken Áshimulynyń ómiri Uly Otanymyzǵa qaltqysyz qyzmet etýdiń jáne qajyrlylyqtyń  jarqyn úlgisi ekendigin atap aıtqan bolatyn. Báıken Áshimovtiń esimi bizdiń júregimizde máńgi saqtalady. Onyń ómiri óskeleń urpaq úshin úlgi bolatyndyǵyna senmdimin»,- dedi  Qumar Aqsaqalov.

 Dańqty jerlesimizdiń  mereıtoıyna oraı  Soltústik Qazaqstan oblysynda  jastardyń, zıaly qaýym men etnomádenı birlestikter ókilderniń qatysýymen  birqatar sharalar ótetindigin atap aıtý kerek.  Soǵan oraı qyrkúıek aıynda oblys ortalyǵynda  Báıken Áshimiovtiń 100 jyldyǵyna baılanysty  óńirlik jastar forýmyn ótkizý josparlanǵan.

Sol sıaqty saltanatty shara barysynda  Báken Áshimovtiń uly, M.Qozybaev atyndaǵy SQMÝ-diń rektory Ońdasyn Áshimov sóıledi.

«Búgin bizdiń otbasymyz úshin  eleýli oqıǵa  boldy, bizdiń ákemizge Petropavl qalasynda eskertkish ornatylýy máńgi esimizde qalady. Buǵan deıin Almaty qalasynda bir kóshege, Qaraǵandyda jańa shaǵynaýdanǵa  ákemizdiń esimi berilgen bolatyn. Eskertkishtiń ashylýy  erekshe  oqıǵa. Oblys pen qala basshylyǵyna osyndaı qomaqty sharany júzege asyrǵany úshin zor alǵysymdy bildiremi. Osy jobany júzege asyrǵan músinshi Qazbek Satybaldyǵa da aıtar alǵysym sheksiz»,- dedi Ońdasyn Áshimov.

Saltanatty rásim barysynda QR Parlamenti Májilisiniń depýtaty Káribaı Musyrman, QR Parlamenti Senatynyń depýtaty Anatolıı Bashmakov, sol sıaqty eńbek ardagerleri Jaqsylyq Ysqaqov pen Alık  Dádın Báıken Áshimov týraly óz estelikterimen bólisti.

Eskertkishti qurmetti ashý quqyǵy  óńir basshysy Qumar Aqsaqalov pen M.Qozybaev atyndaǵy SQMÝ-diń rektory Ońdasyn Áshimovke berildi.

 Saltanatty sharanyń sońynda Petropavl qalasynyń turǵyndary Báıken Áshimovtiń eskertkishine gúl shoqtaryn qoıdy.