Elbasy N.Nazarbaev oblys ákimderi men dıplomatıalyq korpýs ókilderine ınvestısıa tartý jóninde naqty tapsyrma berip,  "Ekspo-2017" kórmesi alańyn osy maqsatta tıimdi paıdalaný qajettiligi týraly aıtqan bolatyn. Osyǵan oraı, búgin  qaýymdastyq pavılonynda  "Batys Qazaqstan oblysynyń ınvestısıalyq áleýeti" taqyrybynda forým ótti. Sharaǵa QR syrtqy ister vıse mınıstri M.Tileýberdi,  Batys Qazaqstan oblysynyń ákimi A.Kólginov, "Ekspo-2017" Qazaqstan boıynsha komısary R. Joshybaev,  otandyq kompanıa basshylary men halyqaralyq jáne sheteldik qarjy ınstıtýttarynyń, 30-dan asa elshilik ókilderi qatysty.  Forýmǵa qatysýshylarǵa aldymen pavılonǵa qoıylǵan  Batys Qazaqstan oblysynyń ınovasıalyq jobalary men óńirdiń ınvestısıalyq  áleýeti tanystyryldy. Sondaı-aq "Qarashyǵanaq Petroleým Opereıtıng  KPO kompanıasyn keńeıtýge baǵyttalǵan ınvestısıalyq jobalar men "Jaıyqmunaı" JSHS jáne "Nostrum Oil and Gas" kompanıalar tobyn damytýdyń tıimdiligi, ınvestısıalyq jobalardy júzege asyrý tetikteri týraly da keńinen áńgime qozǵaldy. 

     BQO ákimi A.Kólginov "Ekspo-2017" kórmesiniń sheteldik kompanıalarmen seriktestik qarym-qatynas ornatýǵa zor yqpal etetindigin aıtyp, búgingi ınvestısıalyq forým jańashyl jobalalardyń júzege asýyna jáne óńir ekonomıkasynyń ilgerileýine óz septigin tıgizetindigine senim bildirdi. 

 

-Qazirdiń ózinde Fınlándıa elimen birlesken 3 joba bastaldy. Atap aıtsaq, "Stekloservıs" JSHS  men "Djeneral Fınland" kompanıasynyń birlesken jobasy boıynsha qurylys materıaldaryn shyǵarý qolǵa alyndy. Sondaı-aq turmystyq qaldyqtardy  óńdeý jáne qurylys salasyndaǵy 3D jobalaý dep atalatyn jobalar da óńirimiz úshin óte mańyzdy. Búgingi forým kezinde Batys Qazaqstan oblysyna ınvestısıa baǵyttaýǵa nıet bildirip otyrǵandar kóp. Mysaly, Iran, Qytaı jáne Izraıl memleketteri aýyl sharýashylyǵy salasyna qyzyǵýshylyq tanytyp otyr.  Osy boıynsha jumystanamyz" , - dedi óńir basshysy. 

Forým barysynda plenarlyq otyrys pen V2V, V2G formatyndaǵy kezdesýler uıymdastyrylyp, kezdesý sońynda taraptar iskerlik qarym-qatynas jónindegi memorandým men BQO-nyń kásiporyndaryna transulttyq kompanıalardy tartý jónindegi kelisimge qol qoıyldy.