Qazaqstandyqtar EKSPO-daǵy Ońtústik Koreıa pavılonynan 20 planshetti urlap ketti dep haarlaıdy Qamshy.kz aqparat agenttigi newtimes.kz-ke silteme jasaı otyryp.

 Planshetterdi qonaqtar  qolaryna alyp túrli ekspozısıalardy tamashalap, túsine alady. Sodan keıin planshetterdi uıymdastyrýshylarǵa qaıtaryp berý kerek bolatyn,  biraq qonaqtar bul tártipke baǵynbaǵan.

«Uıymdastyrýshylar ań-tań bolyp otyr. İshke bir mezette 50 adamǵa deıin kire alady. Biraq, bizdiń adamdar muny túsinbeıdi, kezekti buzyp ótkisi keledi. Sóıtip kiremin dep qolaısyzdyqqa tap bolady, qorshaýlardy buzyp ketedi. Kelýshiler sońǵy bólmege kirgen kezde, olarǵa planshetter taratylady. Sonyń kómegimen olar tanysa alady. Biraq, shyǵar kezde bul planshetterdi qaıtarýdyń ornyna syı dep sanap, ózderimen alyp ketedi. Eki aıdyń ishinde 20 planshet joǵaldy. Óz basym qatty uıaldym», – dedi káris tilin jaqsy meńgergen azamat.

Keıinirek, Ońtústik Koreıa memleketiniń pavılony uıymdastyrýshylar planshetterdiń joǵalǵanyn resmı túrde rastady.