Italıada órt sóndirýshiler syıaqy úshin ormanǵa órt qoıǵan. İske qatysy bar barlyq adamdar alaıaqtyq pen materıaldy shyǵyn keltirgenderi úshin jazalanbaq,dep habarlaıdy Qamshy.kz aqparat agenttigi interfax.ru málimetine súıenip.

Italıalyq tergeýshiler 15 adamnan turatyn órt sóndirýshi-eriktiler brıgadasynyń isin áshkere etti. Órtti ormanǵa qoıyp, artynsha sóndirip syıaqy almaq bolǵan órt sóndirýshiler endi jazalanatyn boldy.

Kóptegen órtke qarsy eriktiler 42 jastaǵy Davıd Dı Vıteniń brıgadasyna túsýge qyzyqqan. Astarynda bir mánniń jatqanyn baıqaǵan tergeýshiler óz jumystaryna kirisedi. Davıd Dı Vıteniń brıgadasy kezekshilikte bolǵan túni órttiń bastalǵany týraly qońyraý tolassyz  túsip otyrady eken. Shyndyǵynda ózderi órt qoıyp, ózderi ýaqyt ozdyrmaı sóndirip otyrǵan. Onyń sebebi, árbir aýyzdyqtalǵan órt úshin qosymsha €10 tólengen.