KHDR prezıdenti Kım Chen Yn sheshim qabyldasa, soltústik koreıalyq áskerıler AQSH-tyń Gýam aralyǵyndaǵy bazasyna raketalyq soqqy jasaýǵa daıyn dep habarlaıdy Qamshy.kz aqparat agenttigi Lenta.rý-ǵa silteme jasap.

Phenán AQSH-tyń Gýamadaǵy bazasyna alǵash ret 14 mamyrda ushyrylǵan «Hvason-12» zymyranymen soqqy jasaýy múmkin.

Aralda amerıkandyq VVS Andersen áýe bazasy jáne Apra áskerı-teńiz bazasy bar.

Bul – Phenánnyń AQSH prezıdenti Donald Tramptyń sózinen keıingi málimdemesi.

Esterińizge sala keteıik, Tramp «Eger Soltústik Koreıa Amerıkaǵa qaýip tóndirse, Vashıngton KHDR-ǵa «otpen jáne ashýmen» jaýap beretinin aıtqan.

Seısenbige qaraǵan túni BUU Qaýipsizdik Keńesi Soltústik Koreıaǵa qarsy jańa sanksıa engizý týraly qarar qabyldaǵannan keıin KHDR qarsy sharalar qoldanatynyn aıtqan. Sonymen qatar, Phenán BUU QK jańa qararyn «terrorlyq aktige» teńedi.