Qyrǵyzstan memlekettik ulttyq qaýipsizdik komıteti málim etkendeı, Batken oblysynyń soty DAISH halyqaralyq terorıstik uıymynyń quramynda bolǵan úsh qyrǵyzstandyq azamatty uzaq merzimge túrmege qamady dep jazady Qamshy.kz aqparat agenttigi.

Sot olardy «tonaý», «jalshylyq», «zańsyz satyp alý, berý, tasylmaldaý, satý», «memlekettik shekaralardy zańsyz kesip ótý», «jalǵan qujattardy paıdalaný», «soǵysqa shaqyrý» isteri boıynsha aıypty dep tanydy. Aıyptylar 12 jyldan 15 jylǵa deıin bas bostandyǵynan aıyrylyp, jeke múlikteri tárkilendi jáne kúsheıtilgen rejımdegi kolonıaǵa qamaldy.

Qyrǵyzstan MUQK habarlaǵandaı, jazaǵa kesilgender Sırıa men Irak elderinde áskerı daıyndyqqa qatysqan jáne terorıstik aktilerdi oryndaý úshin Qyrǵyzstanǵa jiberilgen.