Eýropalyq odaqtyń azyq-túlik qaýipsizdigine jaýap beretin mınıstrligi jaqyn ýaqytta qaýipti zattarmen ýlanǵan taýyq jumyrtqalaryna baılanysty týǵan daýdy talqylaý úshin jedel otyrys jasamaq dep habarlaıdy Qamshy.kz aqparat agenttigi. Bul týraly Eýrokomıssıa múshesi Vıtnes Andrúkaıtıs málimdedi.
Andrúkaıtıs Nıderland, Belgıa jáne Germanıa elderin atalmysh daýǵa baılanysty aıyptaýlardan bas tartýǵa shaqyrdy. Bul úsh eldiń ókilderi Eýropada taralǵan juqpaly jumyrtqalardyń jaýapkershiligi qaı elge tán ekenin anyqtaýmen boldy.
Jumyrtqanyń quramynda adam ómirine asa qaýipti ınsektısıd – fıpronıl tabylǵan. Nıderlandta ónimniń zaqymdanýyna qatysy bar degen kúdikpen eki adam ustalǵan. Olar – taýyq fermasyna kene, búrge, bıt syndy jándikterge qarsy ınsektısıd jibergen kompanıanyń menedjerleri. Al jumyrtqalar Eýropanyń ondaǵan qalalaryna taralyp, satylymǵa shyǵyp úlgergen.
