Mosýldy DAISH áskerlerinen azat etý soǵysy qalany qıratyp, myńdaǵan adamnyń ómirin jalmady, dep jazady Qamshy.kz aqparat agenttigi.
9 aıǵa jalǵasqan soǵystyń aıaqtalǵanyna qaramastan, Mosýl gýmanıtarlyq daǵdarysty bastan keshýde. Zardap shekken adamdardyń sany 10 myńǵa jýyqtap qaldy. 2016 jyldyń qazanynda qalany áskerlerden azat etý operasıasy bastalǵan shaqtan bastap mıllıonǵa jýyq turǵyn óz úılerin tastap ketýge májbúr boldy.
Aýdandar men kóshelerdiń astań-kesteńi shyqty, bombalardyń jarylýy saldarynan úıindilerdiń astynda qalǵan adamdar áli de bar.
Spýtnık arqyly sýretti aqparatqa sáıkes, myńdaǵan úıler men 100 shaqyrymdaı joldar túgeldeı qıratylǵan. Qalanyń úlken bóligi úıindige aınaldy.
BUU Mosýldy qaıta ońaltý operasıasyn 1 mlrd. dollarǵa baǵalap otyr. Ári uzaq jyldar ketetinin aıtty. Uıym málimetterine sáıkes, soǵys saldarynan Mosýldyń bar aýdany zardap shekti. Shilde aıynda azat bolǵan qalanyń batysyndaǵy 54 aýdannyń 15-i tolyǵymen qırap, ómir súrýge jaramsyz dep tanylǵan.
Soǵys barysynda úılerine jasyrynyp, aman qalǵan turǵyndar da boldy. Olar jaraly kúıde tabyldy. Jergilikti jýrnalıser aman qalǵan turǵyndarmen tildesip kórgen. Arasynda 10 jastaǵy Amıra da bar. Jarylǵysh zattyń saldarynan Amıranyń anasy qaıtys boldy, al qyzdyń aıaǵy jaraqattandy.
«Men anamnan kómek suradym, aıqaıladym, biraq ol jaýap bermedi. Men de qozǵala almadym». Jarylys bolǵan jerde Amıra úsh kún boıy jatqan.
«Tamaq ta, sý da bolǵan joq. Úsh kún boıy jyladym, kómekke shaqyrdym, biraq meni eshkim estimedi. Janymda únsiz jatqan anamnyń qaıtys bolyp ketkenin de bilgen joqpyn», – dedi Amıra. Búginde Amıra aýrýhanada emdelip jatyr. Týystary men ákesiniń qaıda ekeni belgisiz.
Án Nýrı meshiti, 2014 jyldyń shildesi
Án Nýrı meshiti, 2017 jyldyń shildesi
Ál Hadba munarasy, 2017 jyl, 20 shilde
Ál Hadba munarasy, 20017 jyl, 22 shilde
2015 jyl, qarasha - 2017 jyl, shilde
Irak Qaýipsizdik kúshteri qalany tolyq baqylaýǵa alǵan soń bılik megapolısti qaıta tiriltý jumystaryna kirisip ketken. Alaıda bul – úlken másele, sebebi Mosýldyń batys bóligi qaıta jóndeýge kelmeıdi.
Qaıta qalpyna keltirý uzaq jyldar men birneshe mıllıard dollardy talap etedi. Al ázirge Irak bıligi qalany qaýipsizdendirý jumystarymen aınalysýda.
