Turǵyn úılerge, áleýmettik-mádenı nysandarǵa jylý berý, sondaı-aq sýmen qamtamasyz etý jáne sý tartý nysandary aldaǵy maýsymdaǵy kestege sáıkes júrgiziledi dep habarlaıdy Qamshy.kz aqparat agenttigi Astana ákimdiginiń baspasóz qyzmetine silteme jasaı otyryp.
Bul týraly Astana qalasynyń ákimi Áset Isekeshevtiń tóraǵalyǵymen ótken jınalysta úsh aýdan ákimi men qalanyń energıa nysandarynyń jáne qalalyq vedomstvo basshylary baıandady.
Aýdan ákimderi vedomstvoǵa qarasty aýmaqtaǵy aǵymdaǵy jaǵdaı men qalanyń kóp páterli turǵyn úı qorynyń aldaǵy maýsymǵa 2017-2018 jyldardyń kúz-qys kezeńine daıyndyǵy týraly aıtyp berdi.
2017-2018 jyldyń energıa kózderiniń, jylý jáne elektrmen qamtý jelileriniń jylytý maýsymyna daıyndyǵy jóninde elordalyq energıa nysandarynyń basshylary baıandady. Olardyń ishinde «Astana-Energıa» AQ, «Astana-Teplotranzıt» AQ, «Astana-REK» AQ, «Astana qalalyq jaryq» JSHS, «Astana sý arnasy» MKM, Atomdyq jáne energetıkalyq qadaǵalaý jáne baqylaý Komıtetiniń Astana qalasy boıynsha departamentiniń jetekshileri esep berdi.
«Astana Teplotranzıt» málimetinshe, búgingi tańda trassa boıynsha qyzmet kórsetetin jylý júıesiniń qashyqtyǵy 696,655 shaqyrymdy quraıdy. Kásiporyn birqatar jumystar júrgizgen: jylý júıelerin tózimdilik pen tyǵyzdylyqqa gıdravlıkalyq synaqtan ótkizý (qysymmen tekserý), jalpy uzyndyǵy 1 230 tekshe metr jylý bólý júıelerine kúrdeli jóndeý júrgizilip, «Energıa únemdeý» baǵdarlamasy boıynsha jalpy aýmaǵy 2 572 m2 jylý oqshaýlaǵysh qalypqa keltirildi.
Búgingi tańda 52 jylý magıstraliniń 48-ne synaq júrgizildi, bul barlyq kólemniń 92% quraıdy. Qalǵan 4 jylý magıstralin 29 qyrkúıekke deıin synaý josparlanýda. Energıa kózderiniń jalpy daıyndyǵy 67% quraıdy, onyń ishinde JES-1 - 66%, JES-2 - 62%, aýdandyq qazandyqtar - 73%.
JES-1-de kómir qory 36 766 tonnany quraıdy. (101% nemese 20 táýliktik qordan 20,3 kún 36 140 tonna), - 4122 tonna (5819 - qor); JES-2-de – kómir qory 313 263 tonna (162% nemese 20 táýliktik qordan 33 kún 185 420 tonna), mazýt 1513 tonna.
Elektr jelileriniń daıyndyǵy – 37,1%, jylý júıeleri – 72,5%, sýmen qamtamasyz etý júıeleri – 63,5%, sý tartý jelileri – 45% ázir.
Búgingi tańda Astananyń ortalyqtandyrylǵan jylý júıesine qosylǵan 2567 áleýmettik nysanynyń 2334 nysany jylytý maýsymyna daıyn, bul 91% quraıdy. Onyń ishinde:
Turǵyn úı qory – 2360 nysannan 2132-i nemese 90% daıyn;
Densaýlyq saqtaý nysany – 35 nysannan 35 daıyn nemese 100% daıyn;
Bilim nysandary – 159 nysannan 155 daıyn nemese 97% daıyn;
Mádenıet nysandary – 13 nysannan 12 nemese 92% daıyn.
2017 jylǵa ınvestısıalyq baǵdarlama aıasynda 8 nysan kóleminde toraptyq jáne bólý jelilerin qaıta qalypqa keltirý qarastyrylǵan.
Aıta keteıik, Astana ákimi aı saıyn jylytý maýsymyna daıyndyq boıynsha jınalystar ótkizip turady. Alǵashqy otyrystar osy jyldyń maýsym, shilde aılarynda ótti.
