Bapker Abel Sanches meksıkalyq Saýl «Kanelo» Alvaresti Gennadıı Golovkınnen jeńilgen Denıel Djeıkobstan da álsiz dep pikir bildirdi, – dep habarlaıdy Qamshy.kz  aqparat agenttigi vesti.kz-ke silteme jasaı otyryp.

«Soqqynyń kúshine keler bolsaq, Djeıkobs – ara, al Alvares – masa. Dennı Golovkınmen rıngke shyqqanda, ol 20 nemese tipti 25 fýnt salmaq qosty. Ol bıik ári kúshtirek boldy, jaǵdaıy jaqsy edi. Alvares bolsa aıtarlyqtaı tómen, qoldary qysqa. Iá, serıalyq jumysta jaqsyraq jáne jyldam shyǵar, biraq ol – óte kishkentaı. Golovkın basym bolady dep oılaımyn», – dep keltiredi Sanchestiń sózin BoxingScene.com.

«Alvares jeńil salmaqta da qulap qalǵan Ámir Handy, únemi talyp qala beretin Djeıms Kırklandty nokaýtqa túsirdi. Ol birinshi orta salmaqta nokaýtqa túsken, al «Kanelomen» jekpe-jek ótkizý aldynda eki jyl judyryqtaspady. «Kanelo» shyn máninde kimdi qulatty? Ol uryp qulatqandardyń barlyǵy da sharshap qalǵandar – Lıam Smıt máselen. «Kanelo» rıngte basym bolyp, Gennadııdi eseńgiretýi qajet. Osylaı jasasa ǵana jetistikke jetýge múmkindigi bolady», – dep málimdedi qazaqstandyq boksshynyń bapkeri.