Dúnıejúzilik densaýlyq saqtaý uıymynyń málimetine saı, Iemende tyrysqaq aýrýyna shaldyqqandar sany jarty mıllıonǵa jetti dep habarlaıdy Qamshy.kz aqparat agenttigi  BBC-ge silteme jasap. Iemende áli kúnge deıin azamattyq soǵys júrip jatyr.

2017 jyldyń sáýir aıynyń sońynda 1975 adam atalmysh aýrýdan kóz jumdy. Dúnıejúzilik densaýlyq saqtaý uıymynyń málimetinshe, shilde aıynan bastap tyrysqaq aýrýyna shaldyqqandardyń sany qysqardy. Degenmen kún saıyn 5000-ǵa jýyq adam kúndelikti atalmysh dertke shaldyǵady.

Iemende 14 mıllıon adam taza aýyz sýdy tutyna almaı otyr. Aýrýǵa shaldyqqandarda aýrý belgileri aıqyn kórinbese de, birneshe saǵattyń ishinde ólimge alyp kelýi múmkin.

Iemenniń densaýlyq saqtaý salasynyń jaǵdaıy múshkil. Medısınalyq mekemelerdiń jartysynan astamy jabyq. Densaýlyq salasynda jumys istep júrgen 30 myń mamannyń jalaqy almaǵanyna bir jyl boldy.

«Iemenniń dárigerleri sumdyq jaǵdaıda jumys istep jatyr. Myńdaǵan adam aýrýǵa shaldyqqan. Al aýrýhanada dári, taza sý jetispeıdi. Dárigerler jumys isteý úshin olarǵa jalaqy berý kerek», – dedi DSU dırektory Tedros Adhanom Gebreıesýs.

Ol tyrysqaq aýrýyna shaldyqqandardyń 99%-yn emdeýge bolatynyn da aıtyp ótti.