AQSH Qorǵanys mınıstri Djeıms Mettıs óziniń Ýkraınaǵa sapary jóninde tolyǵyraq aıtyp berdi dep jazady Qamshy.kz aqparat agenttigi.

Amerıkalyq basylymdardyń málimetinshe, Djeıms Mettıs strategıalyq seriktestik ornatý men Ýkraınanyń egemendigi men aýmaqtyq tutastyǵyn qoldaý maqsatynda 24 tamyz kúni resmı saparmen Kıev qalasyna barmaq.

«Ýkraına prezıdenti Petr Poroshenkomen jáne Qorǵanys mınıstri Stepan Poltorakpen strategıalyq seriktestikti nyǵaıtý jáne Ýkraınanyń egemendigi men aýmaqtyq tutastyǵyn qoldaý jóninde kezdesýler josparladym», – dep málimdedi Mettıs jýrnalıserge.

Sondaı-aq, Ýkraına Qarýly kúshterin jabdyqtandyrý jáne qosymsha qoldaý kórsetý jaıy da talqylanatyn máselelerdiń qatarynda ekenin jetkizdi.

«Reseıdiń Mınsk kelisimi aıasynda óziniń mindetterin oryndatý maqsatynda qysym kórsetý úshin NATO odaqtastary jáne Ýkraınamen kelisimge kelý týraly AQSH baspasóz hatshysy Reks Tılersonnyń áreketin qoldaımyn», – dedi Mettıs.

Sonymen birge, AQSH Qorǵanys mınıstri Ýkraınanyń táýelsizdik kúninde Kıevtegi áskerı sherýdi tamashalaıtyn bolady. Ýkraına basshysy Petr Poroshenko Djeıms Mettıstiń elge saparyn merekeniń «Basty syılyǵy» dep atady.

Budan buryn Ýkraına prezıdenti Petr Poroshenko AQSH-qa sapary barysynda Pentagonnyń basshysymen kezdeskeni habarlanǵan.