Italıa elinde ormandy órtegen órt sóndirýshi ustaldy dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.

Pavıa qalasyndaǵy orman jıi órtengendikten, arnaıy kúzet qoıylǵan. Italıanyń polısıa qyzmetkerleri 28 jastaǵy er adamnyń ormandy órtep jatqanyn vıdeoǵa túsirip alypty. Keıinnen ormandy órtegen er adamnyń órt sóndirýshi ekeni belgili bolǵan.

Tergeý kezinde ol ormandy ne úshin órtegenin aıtyp berdi. Onyń aıtýy boıynsha, ol ormandy órtep, keıin órtti sóndirgisi kelgen.  Al bundaı is-áreketke barýynyń sebebi adrenalındi sezinip, tájirıbe jasap kórgisi kelgen.

Órt sóndirýshiniń sózinshe, ol amerıkalyq serıaldardaǵy órt sóndirýshilerdiń batyrlyǵyna qyzyqqan. Ol Italıanyń soltústiginde turady eken. Al ol jaqta ornalasqan ormandarda órt jıi bolmaıdy. Sondyqtan órt sóndirshi óz erkimen ormandy órtep, keıin ózi kórgen serıal keıipkeriniń qaharmandyǵyn qaıtalaǵysy kelipti.