Áleýmettik jeli –qoǵammen baılanysqa shyǵatyn eń yńǵaıly qural. Keıbireýler úshin bıznes kózi bolsa, eldiń aýzynda júrgen juldyzdar úshin óz jeke ómiri men shyǵarmashylyǵyn jarnamalaýdyń eń tıimdi tásili. Qazirgi tańda bul qalypty jaǵdaıǵa aınalǵan. Alaıda, eń soraqysy,  áleýmettik jeli – búgingi tańda qyz-kelinshekterdiń tánin kórsetip, ony lúpil (laık) úshin saýdalaýdyń qaınar kózi bolyp otyr.

         Kez-kelgen jelini ashyp qalsań, qaptaǵan qyzdardyń jartylaı jalańash sýretteri.

         Kez-kelgen qyz áleýmettik jelige táni kórinetin sýretin jarıalasa boldy, ózge áleýmettik jeli qoldanýshylar qoıǵa shapqan qasqyrdaı ózara daýlasyp, sýrettegi qyzdy bastan-aıaq talqyǵa salady. Ózara qyrylyp, daýlasyp jatatyndardyń deni –áıel adamdar. Al er adamdar ondaı sýretterge  túrli «komplıment» aıtyp, qyzdyń tánine qatysty túrlishe pikirler bildirip jatady.  

         Denelerin jalańashtap, búkil eldiń aldyna pash etetin qyz-kelinshekterdiń paraqshasynda oqyrmandar sany myńnan aspasa, kem emes. Jaz dál osyndaı sýretterdiń mezgili sekildi.

         Áleýmettik jelilerde eńbektegen baladan, eńkeıgen qartqa deıin jeke paraqsha ashyp, tirkelip jatady. Tańnyń  atysynan keshtiń batysyna deıin telefonǵa úńilip,  jaqyn adamdarmen áńgime dúken qurý degendi múlde umytady. Al, jastaıynan túrli qyzdardyń jalańash denesin kórip ósken balanyń psıhologıasy qalaı damıdy, onyń qyzdarǵa degen kózqarasy qalyptasady?! Iá, muny eleýsiz qaldyryp, túkke turǵysyz másele retinde qaralatyn shyǵar. Alaıda, bul –qoǵamnyń derti, ulttyń bolmysyna, urpaq bolashaǵyna áser etetin kúrdeli másele. Alaıda, buǵan eshkim de tyıym sala almaıdy, sebebi kez-kelgen adamnyń ózindi jeke quqyǵy bar. Qyz-kelinshekterdiń  aqylyna senip, oılanar degen úmittemiz...

 Gúlim Lepesbaı