Búgin tańerteń Pavlodarda Alúmını zaýytyna barar jolda aralardy uıasymen tasymaldaǵan KamAZ aýdaryldy dep habarlaıdy Qamshy.kz aqparat agenttigi pavlodarnews.kz-ke silteme jasaı otyryp.
Oblystyq İİD baspasóz qyzmeti habarlaǵandaı, oqıǵa ornynda polısıa qyzmetkerleri jumys isteýde.
– Búgin tańerteń KamAZdyń tirkemesi ajyratylyp, aýdarylǵan. KamAZ «Mersedes» kóligin janap ótken. Saldarynan nemis kóligin tizgindegen azamatty ara shaqqan, sonymen qatar birneshe júrgizýshi aralardyń shabýylyna tap bolǵan. Tolyq ári naqty aqparat arnaıy toptyń jumysy aıaqtalǵan soń belgili bolady, – dedi İİB baspasóz qyzmetkeri.
