Alla Taǵala jaratqan quldaryna tilmen, júrekpen ári múlikpen qulshylyq etýdi mindettegen. Múlikpen qulshylyq etýdiń bir túri qurbandyq shalý bolyp tabylady, dep jazady Qamshy.kz aqparat agenttigi muftyat.kz málimetine súıenip. 

Naqty kúni, naqty jastaǵy jáne naqty belgileri bar maldy qurbandyqqa shalý - qurbandyq bolyp sanalady.  Qulshylyqtyń bul túri Allaǵa jaqyndaýdyń, onyń razylyǵy men meıirimine bólenýdiń, sondaı-aq, joǵary dárejege jetýdiń quraly bolyp tabylady.

Bylaısha aıtqanda, sharıǵat termınologıasy boıynsha, Alla Taǵalaǵa jaqyndaý maqsatynda naqty ýaqytta qurbandyqqa shalynatyn maldyń ataýy. 

Qurbandyqtyń maqsaty - boısunýshylyq pen Jaratýshynyń buıyrǵandaryn oryndaý arqyly jaratylǵan quldyń oǵan jaqyndaýy bolyp tabylady.  Aqıqat jolynda ózin-ózi qurban etýdiń belgisi ári Allanyń bergen barlyq nyǵmeti úshin razylyǵy  qurbandyq bolyp tabylady. Nátıjesinde adam balasy mol saýapqa kenelip, kóptegen apat pen báleden qutylady.

Fıkh termınologıasynda Qurban aıt meıramynda shalynǵan qurbandyq «ýdhııa» dep atalady, óıtkeni qurbandyq shalý negizi tańerteńgi duǵa-namazynyń ýaqytynda oryn alady (Shıratýl-Islam, 218 b.).

Qurbandyq shalý negizgi dinı uıǵarymdardyń biri bolyp tabylady. Sondyqtan eger áldekim qurbandyq shalýdyń ornyna sadaqa taratqysy kelse, oǵan tyıym salynǵan, sebebi qurbandyqtyń rýkýny Alla razylyǵy úshin qurbandyqqa shalynǵan maldyń qanyn aǵyzý bolyp tabylady. (Shıratýl-Islam, 218  b.).

Paıǵambarymyz Muhammedtiń (oǵan Allanyń salaýaty men sálemi bolsyn) úmbetine qurbandyq shalý hıjranyń ekinshi jyly buıyrylǵan bolatyn. Qurbandyq shalýdyń zańdylyǵy Kitappen, súnnetpen ári úmbettiń kelisimimen dáleldengen.