Astanada ashyq jattyǵý ótkizgen qazaqstandyq boksshy Qanat Islam jankúıerleriniń aldynda namysyn qoldan bermeıtinine senimdi, dep jazady Qamshy.kz aqparat agenttigi.

«Bizdiń jattyǵý lagerimiz keremet boldy. Óz-ózime senimdimin jáne jeńiske jetýge daıynmyn. Alda bolatyn jekpe-jekti taǵatsyzdana kútip júrmin. Bul – meniń úıim jáne men jeńemin», – dep keltirdi sportshynyń sózin WBN.

«Qanat jaqsy jumys jasady. Onyń jankúıerleri de keremet, sol sebepti Qanat jankúerleri úshin jattyǵyp, solar úshin jeńiske jetýge tyrysady. Óz halqyna degen mahabbaty ony jeńiske jeteleıdi. Jeńisti qoldan bermeýge tyrysyp baǵamyz», – dedi Nelson Lopes.

Aıta keteıik, 9 qyrkúıekte Astanada Qanat Islam men Brendon Kýktyń jekpe-jegi ótedi. Bılet quny 2000-nan 10 000 teńgege deıin satylymda. Sonymen qosa, Janqosh Turarov, Rýslan Myrsataev, Jánibek Álimhanuly, Álı Ahmedov syndy boksyshlar sharshy alańda óz baqtaryn synaıdy.