Irak pen Sırıaǵa buryn ketken segiz bala men tórt áıel Reseıge qaıtyp oraldy. Reseılik jáne qazaqstandyq azamattardy ákelgen ushaq juma kúni Groznyıǵa qondy dep habarlaıdy Qamshy.kz aqparat agenttigi Qazaqparatqa silteme jasap.
«Bortta 12 adam boldy. Olardyń arasynda orystar, tatarlar, bashqurttar, sheshender jáne qazaqtar bar», – dedi Taıaý Shyǵys pen Soltústik Afrıkadaǵy Sheshenstan basshysynyń ókili Zıad Sabsabı.
Sondaı-aq, ol úsh uly bar sheshen azamatshasy, Tver turǵyny ulymen jáne túmendik jas áıel ulymen kelgenin málimdedi. Bortta Qazaqstan azamatshasy úsh ulymen bolǵan. Receılik azamattardyń otanyna qaıtý shyǵyndaryn Ahmat-Hadjı Qadyrov atyndaǵy óńirlik qoǵamdyq qory óz moınyna alǵan.
