Kúnderdiń kúni bir úıdiń erli-zaıyptylary serýendep, haıýanattar baǵyna barady. Baqty aralap júrip maımyldardy tamashalaýǵa toqtaıdy.

Sonda áıeli:

– Anany qarashy, erkek maımyl urǵashysyn qushaqtap erkeletip otyr, netken mahabbat! – dep tańyrqaıdy.

Erkek únsiz qalyp, odan ári júre beredi. Endigi jerde arystandardy kórýge toqtaıdy. Sonda áıeli arystandarǵa qarap:

– Qarashy, erker arystan urǵashysyna kóńil aýdarmaı óz betimen jatyr, nendeı qatygez edi, – deıdi kúrsinip. Osy sátte kúıeýi áıeline:

– Sen bul urǵashy arystanǵa jerden bir tas alyp laqtyrshy, – deıdi. Áıeli kidirmesten jerden tas alyp laqtyra bergende, erkek arystan urǵashysynyń janyna júgirip, aqyryp, ony qorǵaı bastaıdy. Sosyn kúıeýi áıeline:

– Endi sen osy tasty myna maımyldyń urǵashysyna laqtyr, – deıdi. Áıeli maımyldyń urǵashysyna tas laqtyrǵan sátte erkek maımyl tura qashady. Sonda kúıeýi áıeline:

– Kórdiń be? Mahabbat, sezim degen syrtqy kórinisten baıqalmaıdy, ony júrekten izdeý kerek. Arystan urǵashysynan qansha alshaq jatsa da, ol árkez óz jubyn qorǵaýǵa daıyn turady. Sondyqtan syrtyna qarap ton pishýge bolmaıdy, – degen eken.

Jalǵas ASQATULY