Qytaı Qazaqstanda ıadrolyq otyn óndiretin zaýyt salýǵa ázir ekenin bildirip otyr. Bul týraly QHR astanasynda ótken energetıka salasyndaǵy yntymaqtastyq máselesine arnalǵan 8-shi Qazaqstan-Qytaı keńesinde Qytaıdyń Ulttyq ıadrolyq korporasıasynyń dırektory (CNNC) Sao Shýdýn habarlady.
Onyń aıtýynsha, ıadrolyq tehnologıalar eksporty - Qytaıdyń memlekettik startegıasy. «Biz óz ónimderimizdi Pákistan, Argentına syndy elderge eksporttaýǵa yntalymyz», - dedi ol.
Sao Shýdýnnyń aıtýynsha, CNNC 2000 jyldardan beri ýran resýrsyn óndirýde «Qazatomprommen» yntymaqtastyqty kezeń-kezeńimen nyǵaıtyp keledi.
Sondaı-aq ol Qazaqstannyń tabıǵı ýranyn Qytaıǵa eksporttaý boıynsha nátıjeli jumystar atqarylǵanyn aıtty. Taraptar 10 jyl ishinde atalǵan shıkizat ónimin tasymaldaý týraly kelisimge qol qoıǵan.
