Qazaq kúı óneriniń asqan júırik dúldúlderiniń biri, kópke tanys kósem kúıshi, aıtýly sazger Áshim Duńshyulynyń týǵanyna 118 jyl tolý baılanysymen Áshimniń shákirti, áıgili kúıshi, sazger Kamal Maqaıulynyń usynysyna saı Kúnes aýdandyq Áshim kúı mádenıetin zertteý qoǵamy men Sorbulaq qalashyǵy Sorbulaq qystaǵyndaǵy Áshimniń balalary men týys-týǵandarynan Sábıtqan Bákiruly, Shıpan Áshimuly, Muqtarbek Jazaıuly (Áshimniń nemeresi), Meıirjan Ábjikuly (Áshimniń nemeresi), Ábjik Áshimuly, Manapqazy Dáýletqanuly, Sorbulaq qystaǵynyń bastyǵy Sáýletbek Tuıaqbekuly jáne Nurbolat Sabyrqanuly qatarly azamattar men ónersúıer qaýym uıymdasyp, Áshimniń qabiri basyna eńseli kesene ornatyp, kesene aınalasyndaǵy kólemdi jerdi bolsatyp, “Áshim baqshasyn” qurýǵa kiristi.
Bul ıgi bastamany qoldaǵan qalashyq basshylyǵy tıisti kómegin aıaǵan joq. Ýaqyt uzaryp, jyldar jyljysa da óneri men ónegesi óz boıaýyn óshkindetpeı ulaǵaty urpaqqa ulasyp kele jatqan Áshimdeı kúı piriniń Sorbulaqqa kirer aýzyndaǵy eńsesi kesenesin kórgen jurt bárekeldisin aıtyp súıindi.
