Pavlodarda lańkestik pen ekstremızmdi nasıhattaǵandarǵa qatysty sot úkimi shyqty. Jastardy «jıhadqa» úgittegen tórt adam 3 jyldan 6 jylǵa deıin bas bostandyqtarynan aıyryldy.

Eń uzaq merzimdi, ıaǵnı 6 jyldy ózin «Jamaǵat Aıdarhan» dep ataǵan top jetekshisi arqalady. 46 jastaǵy «ámir» jergilikti kúzet agenttiginiń basshysy qyzmetin de qosa atqarǵan. Qalǵan  20-25 jas aralyǵyndaǵy azamattar Aqbıev, Jolaev, Qabden aldaǵy 3 jyldy abaqtyda ótkizetin boldy. Bular qaladaǵy jaldamaly páterler men ortalyq meshittiń mańaıynda jıyn uıymdastyryp, jurtshylyqty jıhadqa qatysýǵa shaqyrǵan. Sondaı-aq sadaqa jınap, ol aqshany sottalǵan joldastarynyń otbasylaryna kómek retinde úlestirip kelgen.

Qylmystyq top sot zalynan tikeleı jalpy tártiptegi túzeý kolonıasyna jóneltildi, dep habarlaıdy KTK telearnasy.