Assalaý maǵaleıkúm, alash jurty! Ardaqty sport súıer jankúıer qaýym!
Aqyrzaman taıaǵanda bizde ashtyq, minekeı, óz saıtymyzdy. Ázil ǵoı árıne. Sport portalyn ashý- burynnan beri maza bermeı kelgen armanym edi. Shyqqan tegim «Alaman». Alǵash sport taqyrybyna qalam tartýyma sebepshi bolǵan Rýslan Medelbek. Al endi sizderdi sportjýrnalıstıka aıdynyndaǵy jańa portalmen tanystyrsam. Ataýy aıtyp turǵandaı saıttyń negizgi tiregi – saraptamalyq maqalalar bolmaq. «Sportsarap» ataýynyń avtory ardaqty aǵamyz, jýrnalısıka salasynda orny erek Serik Sarybaev. Al rýhanı qoldaý kórsetken Maqsat Slámbek.
«Basqa saıttardan ne aıyrmashylyq bolady?» deısiz ǵoı. Birinshiden – jazý stıli. «Súıtti, búıtti, oryn aldy» degendi ózge saıttardan da oqyp júrsizder. Biz jaýyryndy bolǵan , jattandy sózderden qashyp , jańalyqty erekshe etip berýge tyrysamyz. Portalda túrli aıdarlar bar. Tetikti «tyq» etip basqan aıdaryńyzdyń ataýy «redaktor baǵany». Munda, men, oqyrmandarmen oı bólisip, ár apta saıyn qazaq sportyndaǵy máseleler jaıynda jazamyn. «Sport qyzyqtary», «Fotobaıan» syndy aıdarlar da kóńilińizden shyǵar degen oıdamyz.
Saıtqa jan bitirip, jaýqazyndaı jarqyratqan jigittiń aty-jóni Meıirjan Áýelhanuly. Bolashaqta saıttyń avtorlyq vıdeo sújetteri jaryqqa shyǵady. «Túrli qyzyqtar» degen atpen jarıalanatyn «prıkoldardy» kórip ezýlerińizdi tarttyrmaqpyz. Al iske sát! Sizge de bizge de! Aıtar usynystaryńyz ıakı synyńyz bolsa yqylaspen qabyldaımyz. Avtor men oqyrmannyń dıology materıaldyń sapasyna jaqsy áser etedi. Sondyqtan tartynbańyzdar, sizderdi áriptestikke shaqyramyn.
İzgi tilekpen, Oljas NURAZHAN
Pikir qaldyrý