Kórkem ádebıettiń bizge beımálim syry qanshama?! Qansha aqyn men jazýshy bolsa, ár qalamgerdiń ózine tán sóz qoldanysy men kórkemdeý tásili, ózindik ıdeıasy bar. Kórkem ádebıette troptyń bir túri dep tanylyp júrgen metafora jaıly ne bilemiz? Metafora qubyltýdyń bir túri ǵana ma? Álde sheńberi odan da keń be? Endeshe metaforaǵa anyqtama berip kórelik. XVIII ǵasyrda ómir súrgen nemis jazýshysy Jan Poldyń aıtýynsha, «Árbir til – kúńgirttengen  metaforalar sózdigi».  Iaǵnı, metafora kesheli-búgin paıda bolǵan joq. Alaıda qazaq tili biliminde metafora troptyń bir túri retinde sóz bolyp, onyń kórkemdik, beınelilik qyzmeti ǵana taldanyp keledi. Al metaforanyń bolmysy, onyń tildegi qyzmeti men mańyzy, paıda bolý mehanızmderi, túrleri men erekshelikteri zerttelemeı keledi.

Ál-Farabı atyndaǵy Qazaq ulttyq ýnıversıteti Fılologıa jáne álem tilderi fakúlteti Qazaq fılologıasy mamandyǵynyń  3-kýrs stýdentteri  Fılologıa ǵylymdarynyń doktory Gúldarhan Nurǵazyqyzy Smaǵulovanyń júrgizýimen "Qazaq metaforasynyń fýnksıasy" pánin elektıvti pán retinde oqýda. Pánniń maaqsatyna keler bolsaq, metaforanyń basqa trop túrlerinen ereksheligin aıqyndap, metaforanyń qyzmetimen tanysý.

Sabaq barysynda top stýdentteri eski bilim men jańa bilimdi ushtastyryp, metafora jasaýda. Jáne kúndelikti ómir men qyzyqqa toly stýdenttik shaqtardyń bir bóligin metaforalap kórdi.

• Dekanat – dańq pen daqpyrt alańy;
• Mehmat, hımfak, fız-teh úshin stıpendıa – oryndalmaǵan arman;
• Emtıhan – danalyq pen dostyqtyń aq shatyry;
• Dárisqananyń joqtyǵy – shaǵala kóńil sharq uryp, izdeıdi seni qaıtadan;
• Leksıa – aýyr uıqy;
• Starosta – dombyranyń qulaǵy;
• Fılfak – mádenıet oshaǵy;
• Jataqhana – ómir bazary;
• Latyn grafıkasy – jasaýy joq qalyńdyq;
• Ana – táńirdiń tátti syıy;