Sháıi kórpe shytyr-shytyr etedi,
Shaıyr tósek syqyr-syqyr etedi.
«Kelshi janym, kel taǵy da» deısiń sen,
«Boldy» deımin, «joq, osy da jetedi».

Birde maıyp,
Birde jeńip,
Utamyz,
Bar bulaqtyń balyn birge jutamyz.
Alqyn-julqyn,
Bóri tartqan týlaqtaı,
Aıdalada qalǵan shyǵar lypamyz.

Sezim — seri,
Kóńil de — toq,
Sert – egiz,
Erke bala sıaqtymyz,
Erke qyz.
Bula kúshtiń bulqynysy shydatpaı,
Belden tómen syrǵyp ketti kórpemiz.

Kórikti sóz tógiledi keste bop,
Lázzattardyń laǵyl tasyn tesken oq.
Sen eminip,
Men ezilip jatqanbyz,
O, qudiret...
Arǵy jaǵy este joq.

Zańdylyǵy bolǵannan soń ómirdiń,
Ony jyrlaý enshisinde óleńniń.
Tura almaıtyn bir - birinsiz ómirde,
Er men áıel eki jarty - bir bútin

"Qoı" degendi kúshigim tyńdamaıdy,
Esigińdi ıskelep tyrnalaıdy,
Kirip shyqsyn endeshe esigińdi ash,
Ne bar, ne joq ekenin bir qaraıdy...


Aldy-artyma qaratpaı,
Alyp esti,
Óńmenimnen
Otty kóz taǵy testi.
Dál ózińdeı kórmeppin dárýishti,
Dál ózińdeı kórmeppin jarymesti.

Alqyn-julqyn,
Aımalap,
Alyp-ushyp,
Appaq tánge
Arǵy oıyń shaǵylysyp.
Qalypsyń ǵoı kenezeń keýip ábden,
Qalyppyz ǵoı keremet saǵynysyp.

Jelkemdegi jeti órim shashym tarqap,
Jaqyndasań tartady boıym shalqaq.
Buryn nege bolǵanbyz tym buıyǵy,
Buryndary bolǵanbyz nege qorqaq?!

Sharyqtady shat kóńil,
Shólin basyp,
Qos bulaqtan ketkendeı laǵyl tasyp.
Bar jynynan aırylǵan baqsydaısyń,
Qaraýǵa da shamań joq kózińdi ashyp.

Osy túnge baılyq ta,
Baq ta qurban,
Kúlip atqan aınaldym aq tańymnan.
Jaryq kúnde jaı túsken jalǵyz taldaı,
Jaırap qaldym qaýyndaı qaq jarylǵan.

Naızaǵaıyń tik túsip,
Kettim kúıip,
Nóserdeıin sonan soń tóktiń quıyp.
Qaımaǵy alynbaǵan sútteı edim,
Bir qasyq qatyǵyńnan kettim uıyp.

Tylsymnyń shym batyryp tereńine,
Túsinseń, bárin aıtyp keregi ne?
Jarty tún
Jarty aqylmen óte shyǵar,
Jaryǵy terezemniń sónedi de.

Ernimnen,
Bal sorasyń barmaǵymnan,
Qudaı-aý, tez atady tań neǵylǵan?
Qaırańǵa shyǵyp qalǵan aq shabaqtaı,
Shorshıdy aq baltyrym qarmaǵyńnan.

Shıe sharap,
Shıe erin,
Shıraı denem,
Shyn qandyrmaı shólińdi qınaı berem.
Seniń de boıǵa syımaı ystyq qanyń,
Meniń de óz terime syımaı denem.

Kóterilip-basylyp kórpe kóńil,
Qımylymyz epsekti, erke-jeńil.
Men kerildim,
Berildim bas aınalyp,
Bárin múlde umytyp sen de beril.

Birte-birte báseńsip búlkilimiz,
Balbyraımyz baladaı,
Kúlkilimiz.
Qushaǵymyz qarysqan jazyla sap,
Qushaqtasa ketedi kirpigimiz.

Asylzat Arystanbek