AQSH-tyń Florıda shtatynyń burynǵy gýbernatory Djeb Býsh óziniń 2016 jylǵy Prezıdent saılaýyna kandıdatýrasyn usynatynyn málimdedi. Bul týraly Djeb Býsh halyqty Rojdestvo men Hanýkı merekelerimen quttyqtap, óziniń Facebook paraqshasynda jazǵan bolatyn. «Biz otbasy músheleri bolyp elimizdiń bolashaǵy jaıly oılandyq. Talqylanǵan máseleler men qazir Amerıkanyń myqty jetekshige muqtajdyǵy sebepti aldaǵy jylǵy saılaýǵa qatysamyn degen sheshim shyǵardym»,-dep jazypty. Djeb Býsh 1953 jyly Tehasta týylǵan. Ol segiz jyl ( 1999-2007 ) Florıda shtatynyń gýbernatory bolǵan. Egerde Djeb Býsh aldaǵy saılaýda jeńiske jetetin bolsa onda Býsh áýleti Amerıka tarıhyndaǵy tuńǵysh bir áýlettiń ár jyldary el basqarǵan ókilderi retinde enbek. Djordj Býsh birinshi 1989 – 1993 jyldarda,  uly kishi Djordj 2001-2009 jyldar aralyǵynda AQSH-tyń birinshi adamy bolǵan.