Aqtóbelik júrgizýshiler Reseılik reketterdiń ústinen shaǵym aıtady. Bul týraly Zakon.kz habarlaıdy. Rúbldiń qunsyzdanýy Qazaqstandyqtardyń Reseıden páter men kólik satyp alý kórsetkishin ulǵaıtyp otyr. Orynborlyq «Regıon» telearnasynyń málimetine súıensek bir ǵana «Avtograd» salonynan senbi kúni Qazaqstandyqtar 200 avtokólik satyp alǵan. Biraq tómen baǵaǵa aldanyp «táýekelge» bel baılaýda qaýipti. Jol boıynda kezdeser keleńsizdikterdiń basy belgisiz bireýlerdiń kóligińdi tartyp alýmen bastalady. Soraqysy uryp-soǵýǵa deıin baratyn kórinedi.

«D» katergorıaly kólik júrgizý kýáligi bar Qazaqstandyq Vladımırdiń aıtýy boıynsha qaraqshylar túsi sary tranzıttik nomermen júredi eken. - Ádette, toqtatqanda qarsylaspasań , kóligińdi alady da, tıispeı júre beredi. Qarsylasyp, qashpaqqa nıettenseń ustap alyp taıaqtyń astyna alady. Ol jerde shaǵym aıtyp kimge barasyń? Satyp alǵan kóligiń ne Reseıde ne Qazaqstanda tirkelmegen,-deıdi. Eń qaýipti ótkel Samara-Toláttı kúre jolynda. Munda qaraqshylyqpen aǵymdaǵy jyldyń jaz aılarynan bastap aınalysa bastady,-deıdi Vladımır. -Meni toqtatqanda, qarsylaspaı kólikten túsýimdi surady. Joldan aman ótýimiń kepili 2000 rúbl ekenin de eskertti. Amalsyz suraǵandaryn berdim. Bir qyzyǵy atalmysh qaraqshylar meniń qandaı taýar alyp kele jaqanymdy aldyn ala biledi eken. Qazaqstandyqtarǵa aıtarym jolda júrgende abaı bolǵandaryńyz abzal,-deıdi. Aqtóbe oblysynda osy jaıttar jaıly sóz taraǵanymen, resmı túrde eshkim shaǵym aıta kelmepti. Aqótóbe oblystyq İİD Reseıdiń İİM-niń baspasóz ortalyǵyna osy jaıttarmen saýal joldaǵanda, shet eldik BAQ-qa jaǵdaıdy 2 aptadan soń jarıalaımyz degen jaýap alady. Ázirge rúbldiń qunsyzdanýy kórshi elde «eski» kásipti jandandyryp tur.