Memlekettik organdar halyqty aıyppul jaıynda habarlandyrmaıdy, ári olar ákimshilik aıyppuldardy óndirip alýda qaýqarsyzdyq tanytýda. Osy jaǵdaı JSO qyzmetin qıyndata túsip, olarǵa degen halyqtyń narazylyǵyn arttyryp otyr. Atalǵan máseleler Jeke sot oryndaýshylary Respýblıkalyq palatasynyń 2017 jyl 9 aı aralyǵyndaǵy qyzmetiniń nátıjesi taldaý kollegıasy kezinde talqyǵa salyndy dep jazady Qamshy.kz aqparat agenttigi JSO Respýblıkalyq palatasynyń baspasóz qyzmetine silteme jasap.

Osyǵan oraı, JSO ákimshilik aıyppuldardy óndirip alý mindetin memlekettik organdarǵa júkteý mindetin tapsyrýdy usyndy. Óıtkeni, olar ákimshilik zań buzýshylyq Kodeksinde belgilengen aılyqtan aıyppul mólsherin ustap qalý jáne basqa da zań buzýshylaryna yqpal etý ádisterine ıe.  Memlekettik organdar halyqty ýaqtyly habarlandyrmaǵany úshin, olar erikti túrde 30 kún ishinde tóleý aıyppul múmkindiginiń tek qaǵaz betinde ǵana qalyp otyrǵanyna kýá bolyp otyr. «Aýada qalqyp turǵan» aıyppuldardyń kóp bolýy da sondyqtan,- deıdi JSO.

Kollegıa barysynda, 2016 jyly 1 qańtardan bastap aıyppuldardy memlekettik tabys esebine óndirý jeke sot oryndaýshylyq qyzmetiniń damýyna keri yqpal etýde. Mundaı sıpattaǵy isterdi qaraý qarjyny talap etetindikten, sonymen qatar olardyń kóptiginen JSO-ǵa degen qysym arta tústi.

Ýaqyttyń tapshylyǵy, qysym, tabystyń azdyǵyna oraı, isterdiń atalǵan sanatynda 9 aı aralyǵynda ákimshilik jaýapkershilikke 234 JSO tartyldy.

Qazirgi tańda, JSO portfelinde 2 254 983 óndirister bar, olardyń quny 2 378 mlrd. teńgeni quraıdy. Onyń ishinde 914 204 qujat (40,5%) 15,3 mlrd. teńgeni quraıtyn  ákimshilik aıyppuldardy óndirip alý óndiristeri. Memlekettik búdjetke 5,3 mlrd teńge túsirildi.