Qyrǵyzstanda ótken prezıdent saılaýynyń nátıjesi búgin belgili bolyp, Sooronbaı Jeenbekov jeńiske jetken bolatyn. Qamshy.kz aqparat agenttigi «Sputnik Kyrgyzstan» saıtynyń málimetine súıenip Qyrǵyzstannyń jańa kóshbasshysy týraly 10 derekti oqyrman nazaryna usynady.
- Ol óz suhbatarynyń birinde «Alladan basqa eshkimge senbeıtinin» aıtqan.
- Ol óz mansabyn mektepte muǵalim bolyp bastaǵan.
- Ol Qyrǵyz SSR-i Joǵary keńesi tóraǵasy jáne Qyrǵyz SSR komýnıstik partıasy ortalyq komıtetiniń tóraǵasy Ábsámat Masalıevti óz ıdealy retinde sanaıdy.
- Ol 10 balaly otbasynda dúnıege kelgen. Onyń aǵalarynyń barlyǵy elge eńbek sińirgen tulǵalar bolyp tabylady. Biri Jalal-Abad ekonomıka jáne kásipkerlik ýnıversıtetiniń prezıdenti, profesor jáne ǵylym doktory bolsa, ekinshi, Júsipbek esimdi aǵasy Kýveıte elshilikte qyzmet atqarady. Al Asylbek esimdi baýyry parlament spıkeri bolǵan. Osydan biraz ýaqyt buryn qaıtys bolǵan Iskender Jıenbekov 28 jasynda Osh oblysynyń prokýrory atanǵan beldi maman retinde tanymal.
- 2010 jylǵy 7 sáýir kúni bolǵan eldiń jappaı mıtıńi kezinde aǵaıyndylar mansaby men óz basyn qaterge tigip, Osh oblysynda ótken mıtıńige qatysqan.
- Sooronbaı Jıenbekov Joǵarǵy keńes depýtattyǵyna birneshe márte saılanǵan. Halyq qalaýlylary jınalysynda agrarlyq máseleler jónindegi komıtetke basshylyq etken.
- Ol óz otbasyn elge kórsetpeıdi. Aǵa-inilerinen basqa, onyń eki ápkesi bar.
- 2016 jylǵy sáýir aıynda Jıenbekovty Mınıstrler kabınetiniń basshysy qyzmetine taǵaıyndap jatqanda, ol «premer-mınıstr bolý tipti túsine de kirmegenin», — aıtqan.
- Aýyl sharýashylyǵy mınıstri bolǵan kezinde ol sharýalarǵa úkimetke senbeı, óz kúshine ıek artý kerektigin eskertipti.
- Onyń Memlekettik sáýlet jáne qurylys agenttigi dırektorynyń orynbasary Almazbek Ábdiqadirge aıtqan «Chyk eshıkke!», ― degen sózi el nazaryn ózine aýdaryp, áleýmettik jelilerde túrli karıkatýralardyń paıda bolýyna sebep bolǵan. «Chyk eshıkke» degen sóz «Joǵal ári» dep aýdarylady.
