Almaty qalalyq ardagerler Keńesi Elbasy N.Á.Nazarbaevtyń Qazaqstan azamattaryn salaýatty ómir saltyna tartý týraly tapsyrmasyn oryndaý aıasynda zeınetkerler arasyndaǵy sporttyq-saýyqtyrý is-sharasyn ótkizdi, dep Qamshy.kz aqparat agenttigi habarlaıdy.

18 qazanda «Dınamo» stadıonynda Dene shynyqtyrý jáne sport ortalyǵy Ortalyq keńesiniń qoldaýymen qalanyń barlyq aýdandarynyń zeınetkerleri arasynda  sporttyq jarystar ótti.      

Atalǵan jarys ardagerler uıymynyń 30 jyldyǵyna jáne Halyqaralyq qarttar kúnine arnalǵan. Sporttyq baıqaýǵa «Bizdiń denemiz jáne janymyz árdaıym jas» uranymen ómir súrip jatqan aǵa urpaqtyń ókilderi qatysty.

Egde jastaǵy azamattar arasynda sporttyq-saýyqtyrý is-sharalary olardyń ómirlik deńgeıin kóterýge yqpal etedi. Almaty qalasynda zeınetkerlerge arnalyp ótkiziletin sporttyq-saýyqtyrý is-sharalary jyl saıyn artyp keledi. Ásirese, shahmat, bılárd, jaıaý júrý, fıtnes, flesh-mob, boýlıń oıyndary jıi júrgiziledi eken. Biraq, áli kúnge deıin egde jastaǵy adamdar jeńil atletıka oıyndarymen kóp aınalysady. Qalalyq dene shynyqtyrý jáne sport basqarmasy men Ulttyq sporttyq jáne dene shynyqtyrý klýbynyń qoldaýymen kóp jyldan beri ardagerlerdiń qalalyq keńesi júgirý, sharlardy soǵý, uzyndyqqa sekirý, shabýyldaý jáne basqa da jattyǵý oıyn túrlerin ótkizip júr.    

Spratakıada jarysynda áıelder men erler komandalary boldy jáne ártúrli sport túrlerinen jarystar uıymdastyryldy, máselen:  júgirý, qashyqta dopty laqtyryp alý, qashyqtyqqa sekirý, basý, arqanmen sekirý.

Erler men áıelder úshin árbir jarystyń jeke kórsetkishteri anyqtaldy.

Spartakıadaǵa 120-dan astam zeınetker qatysty, al júldeli oryndarǵa ıe bolǵan komandalar dıplomdarmen jáne baǵaly syılyqtarmen marapattaldy.

Barlyq jastaǵy azamattardyń ómirin jaqsartýǵa jáne qolaıly jaǵdaılar jasaý maqsatynda Birikken Ulttar Uıymynyń Bas Assambleıasymen 1 qazan Halyqaralyq qarttar kúni bolyp jarıalandy. 

Almaty qalasynda jyl saıynǵy Qarttar aıyn ótkizýge, ardagerler men zeınetkerlerge qamqorlyq kórsetýge jáne qarttardyń quqyqtaryn qorǵaýǵa, qoǵamdaǵy ornyn dáripteýdi nasıhattaýǵa baǵyttalǵan, is-sharalar júrgizilýde. 

Erekshe kóńil qarttardyń densaýlyǵyna bólinedi. Sol sebepti jyl saıyn aýdannyń densaýlyq saqtaý mekemelerimen birlese otyryp «Ashyq esik» kúnderi ótkizilýde, úı ishinde medısınalyq tekserýler uıymdastyrylyp, muqtaj jandar sanatorıalarǵa emdelýge jiberilýde. 

500-den astam jalǵyz basty jáne jalǵyz ilikti zeınetkerlerge úı ishinde kómek kórsetilip jatyr. Atalǵan baǵyttaǵy is-sharalar qazan aıy boıy júrgiziledi.