Bizdiń balalarymyz ben nemerelerimiz keleshekte qalaı ómir súretinin amerıkalyq profesor Mıchıo Kaký boljap berdi.
Sonymen, Kaký bylaı deıdi: 2030 jyldarǵa qaraı janaspaly lınzalardyń jańa túri paıda bolady,olar ǵalamtorǵa shyǵa alatyn múmkindikke ıe bolady. Mundaı qurylǵy prototıpin Vashıngton ýnıversıtetiniń profesory Babak Parvız jasap jatyr. Sondaı-aq erkin saýdaǵa adam aǵzasynyń ár túrli "qosalqy bólshekteri" shyǵady. Búgingi tańda eń zamanaýı bıotehnologıalar zerthanalyq jaǵdaıda sińirler, muryn shemirshekterin, qulaq, qan tamyrlaryn, júrek qaqpaqshalaryn, qýyqty ósirip shyǵarýǵa múmkindik berip otyr. Gýbka tárizdi plasık negizge emdelýshiniń DNK tirek jasýshasy “egiledi”, bylaısha aıtqanda, sebiledi. Bul jasýshalarǵa katalızator qosylǵanda olar jyldam ósip, kóbeıe bastaıdy, osylaısha basynda tiri tin talshyqtary paıda bolady da, sosyn naǵyz músheler paıda bolady.
20 jyldan keıin qoǵam telepatıa múmkindigin keńinen qoldanady degen boljam bar. Qazirdiń ózinde ǵalymdar sal bolyp qalǵan naýqastar mıyna arnaıy mıkrosqemalar engize alady, onyń kómegimen naýqastar aqyl oı kúshimen kompúter qulaǵynda oınap, elektrondy hat jazyp, veb- braýzerlerdi paıdalana alady eken. Japondyq Honda kompanıasy naýqastar oı kómegimen basqara alatyn robottar jasaýdy meńgergen.
2070 jylǵa qaraı ǵalymdar faýnanyń kóptegen ókilderine qaıtadan ómir syılamaq. Janýar ólgennen keıin 25 jyldan soń alynǵan DNQ boıynsha ǵalymdar dál osy janýardy Brazılıada klondaı alǵan. Neandertal adamynyń genomy qazir tolyq zerttelip boldy. Ǵylymı ortada bul adamdy tiriltý múmkin ekeni jıi aıtylyp júr. Zertteýshilerge munyń ne keregi bar ekeni belgisiz, biraq adamnyń qyzyǵýshylyǵy shynymen de sheksiz bolady eken.
Qartaıýdy toqtatatyn tájirıbeler de jasalyp jatyr. Ómirdi 30% - ǵa uzartý úshin kalorıa mólsherin 30%-ǵa azaıtý jetkilikti eken. Bolashaqta ómirdi budan basqa da tehnologıalyq tásildermen uzartý múmkindigi paıda bolady....
Shamamen 100 jyldan keıin adamzat qaterli isikti tolyqtaı jeńedi dep kútilýde. Erte satysynda anyqtalsa, aǵzaǵa "tazalaýshy" atty nano-kompúterler engiziledi, ol aǵzany obyr jasýshalarynan tazartatyn bolady.
Aýdarǵan: Toǵjan Qaharbek
