SURAQ: «Turǵyn úı qurylys jınaq bankiniń» salymshysymyn. Ózime jáne áıelimniń atyna da esepshot ashyp aqsha jınap jatyrmyn. Endi balamnyń atynan shot ashsam dep edim. Ulymnyń jasy on birde. Jasóspirimderdiń atynan jınaq shotyn ashýǵa bola ma? Bolsa qandaı qujattar kerek? Arman, Almaty qalasynan.

JAÝAP: Eń aldymen bizdiń bankti tańdaǵanyńyz úshin alǵysymyzdy bildiremiz. Otbasynyń árbir múshesine arnap esepshot ashqanyńyz durys bolǵan. Óıtkeni bizdiń bankte saqtalǵan jınaq aqshaǵa memleket tarapynan syıaqy taǵaıyndalady. Al, suraqqa kelsek, jasóspirim balańyzdyń atynan esepshot ashýǵa quqylysyz. Ol úshin «Turǵyn úı qurylys jınaq bankiniń» kez-kelgen bólimshesine baryp, ótinish bildirýińizge bolady. Turǵyn úı jınaq shotyn ashý úshin balańyzdyń tómendegideı qujattaryn ala baryńyz: - Áleýmettik jeke kody jazylǵan týý týraly kýálik nemese jeke bas kýáligi; - Kámelettik jasqa tolmaǵan tulǵanyń zańdy ókili bolyp tabylatyn (ákesi, anasy, bolmasa asyrap alýshysy) tulǵanyń jeke basyn kýálandyratyn qujattary.