SURAQ: «Turǵyn úı qurylys jınaq bankiniń» jarnamalarynda árbir salymshynyń depozıtine 20 paıyz kóleminde syıaqy qosylady dep jatyr. Sonda bul syıaqy jalpy depozıtter sanyna berile me, álde jınaqtalǵan aqshanyń kólemine qaraı ma? Osyny túsindirip jiberse… Jazıra, Almaty qalasy.
JAÝAP: Aldymen, memleket tarapynan beriletin syıaqy týraly túsinip alaıyq. 100 paıyz memlekettiń qatysýymen qurylǵandyqtan «Turǵyn úı qurylys jınaq bankindegi» árbir jınaqtaýshy depozıtke memleket kepildik beredi jáne yntalandyrady. Al, elimizdiń turǵyn úı qurylys jınaq júıesin damytýǵa memleket qana emes, el turǵyndary da múddeli bolýy tıis. Mine, bank tarapynan depozıtterge beriletin jyl saıynǵy 20 paıyzdyq syıaqy mólsherlemesi osy yntalandyrý maqsatynda qoldanylady. Paıyzdyq ústeme «Turǵyn úı qurylys jınaq bankindegi» depozıttiń barlyǵyna, ol belgili merzim aralyǵynda aınalymda bolǵanda tólenedi Iaǵnı, memleket syıaqysy jeltoqsan aıynda tólenetin bolsa, jınaq shoty keminde tıisti jyldyń basynda ashylýy tıis. Kóp jaǵdaıda salymshylar jeke salymdaryna tólenetin syıaqy mólsherlemesi men memleket tarapynan beriletin 20 paıyzdyq ústeme syıaqyny shatastyryp jatady. «Turǵyn úı qurylys jınaq bankindegi» árbir salymshynyń qarjysyna tólenetin syıaqy mólsherlemesi 2 paıyz shamasynda. Negizinen salymshylar úshin bul tómengi paıyz bolyp kórinýi múmkin, biraq jyl sońynda osy paıyzdyń úlesi 12,6 paıyzǵa birden kóbeıedi. Qarańyz, joǵarydaǵy aıtqanymyzdaı árbir depozıtke beriletin memlekettik syıaqy mólsherlemesi 20 paıyz. Bul jylyna bir ret tólenetin júıe. Osyn esepke alǵan kezde sizdiń depozıtińizge tólenetin jyldyq tıimdi mólsherleme 12,6 paıyzdy quraıtyn bolady. Taǵy bir este saqtaıtyn jaıt, jınaqtaý merzimi aralyǵynda memleket tarapynan taǵaıyndalatyn syıaqynyń jalpy kólemi 200 aılyq eseptik kórsetkishten aspaıtyn depozıtterge qosylady. Iaǵnı, salymshynyń aqshasy bir jyldaǵy jınaqtaýdyń joǵarǵy shegi bolyp tabylatyn 370 400 teńgeden aspaǵan jaǵdaıda, oǵan 20 paıyzdyq ústeme tólenedi. Demek, memleket tarapynan tólenetin 20 paıyzdyq syıaqy mqlsherlemesine qyzyǵyp, esep shotyna júz myńdap aqsha salyp, eselep paıda tabýǵa jol berilmeıdi.
