SURAQ: «Turǵyn úı qurylys jınaq bankiniń» sharty boıynsha salym merzimi 3 jyldy quraýy kerek. Eger men depozıt ashyp, oǵan turǵyn úıge qajetti somanyń 50 paıyzyn birden salatyn bolsam, maǵan bank qalǵan 50 paıyzdyq turǵyn úı zaemyn bere me? Saltanat, Almaty qalasy. JAÝAP: Eger siz bank sharttarynda kórsetilgen merzimnen buryn turǵyn úı qunynyń 50 paıyzyn jınaqtaı alsańyz, «Turǵyn úı qurylys jınaq banki» baspana alýǵa qajetti zaemdy 100 paıyz mólsherde beredi. Bul jerde sizge beriletin zaemnyń jyldyq ústeme paıyzyna ózgeris engiziledi. Mysalǵa, siz 3 jylda jınap bolýǵa tıisti somany 1 jyl ishinde jınap, bank zaemyn alǵyńyz kelse, onda sizge bank tarapynan beriletin nesıe zaemynyń jyldyq mólsherlemesi 5,0 paıyz emes, 7,5 – 8,5 paıyz aralyǵynda bolady. Iaǵnı, bankpen shartta kórsetilgendeı siz merziminen buryn alǵan zaemyńyzdy qalǵan eki jyl boıyna osyndaı paıyzben tóleısiz. Eki jyl ótip, jınaq merzimińiz tolyq úsh jyldy quraǵan kezde, alǵan zaemyńyz úshin tóleıtin ústeme qaıta qaralyp, 5,0 paıyzǵa tómendeıdi. Ary qaraıǵy tólem osy mólsherde jalǵasa beredi. Demek, bank óz mindemesin oryndaıdy. Al, sizdiń eki jyl boıyna tólep kelgen joǵarǵy paıyzyńyz merziminen buryn alǵan zaemnyń ótemi bolady.