SURAQ: «Turǵyn úı qurylys jınaq banki» bıyl Astanada birde-bir úıdi salymshylaryna ótkizgen joq, biraq aqshasyn aı saıyn alyp otyrady. Nege? JAÝAP: Astanalyq turǵynnyń «Qoljetimdi baspana-2020» baǵdarlamasy boıynsha elordadan birde-bir páter berilgen joq dep kesý aıtýyna negiz joq. Baǵdarlama bastalǵaly «Turǵyn úı qurylys jınaq bankiniń» qatysýymen salynǵan úılerden baspana alǵan otbasylar jetip artylady. Bul jerde biraz nárseni eskerý kerek. Birinshisi, Astana qalasynan páterli bolǵysy keletinderdiń sany óte kóp. Sondyqtan turǵyn úı pýline jazylý kezegi úlken. Ekinshiden, elordada salynyp jatqan úılerdiń sharshy metrine qoıylǵan baǵa basqa aımaqtarǵa qaraǵanda joǵary. Sol sebepti jınaqtaýshy júıe boıynsha tıisti qarjynyń 50 paıyzyn jınap úlgerýge ýaqyt kerek. Úshinshiden, Astana elimizdiń ákimshilik ortalyǵy retinde myńdaǵan memlekettik qyzmetkerler men búdjettik qyzmetkerler turatyn qala. Qalanyń turǵyn úı qory maqsatty paıdalanatyn bolǵandyqtan, áleýmet úshin qol jetimdi turǵyn úı kezegine suranys joǵary. Biraq, munyń bári Astanada «Qoljetimdi turǵyn-2020» baǵdarlamasy júzege aspaı jatyr degen sóz emes. Negizi, suraq qoıýshy azamat Astanadaǵy Saýran kóshesinde salynyp jatqan kóp qabatty úıge qatysty aıtyp otyrǵan bolýy kerek. Bul turǵyn úıdiń paıdalanýǵa berilýi keshiktirilip otyrǵany ras. Biraq, bul bank tarapynan bolǵan kedergi emes. Turǵyn úı qurylysyn júrgizýge jergilikti atqarýshy organ jaýapty. Biz óz tarapymyzdan salymshylardyń qarjysyna tapsyrys berýshimiz. Turǵyn úı tolyqtaı paıdalanýǵa berilgen kezden bastap baspanany bólý kezek boıynsha júrgizilip, salymshylarymyz baspanaǵa qol jetkizedi. Al, Astana qalasy ákimdiginiń jaýaby boıynsha, Saýran kóshesindegi kóp páterli úıdiń qurylysy bıylǵy jyldyń sońyna deıin tolyq aıaqtalýy tıis. Bul týraly jáne basqa da jańalyqtardy banktiń www.hscbk.kz saıtynan bilip otyrýǵa bolady. "Qamshy" silteıdi