Qazaqstandyq boksshy Gennadıı Golovkınniń (37-0-1, 33 KO) jattyqtyrýshysy Abel Sanches Boxingscene.com saıtyna meksıkalyq Saýl Alvarespen (49-1-2, 34 KO) ekinshi aıqasqa qatysty  kelissózder jaıly aıtyp berdi, dep Qamshy.kz aqparat agenttigi Qazaqparatqa silteme jasap habarlaıdy.  

«Gennadııdiń jeltoqsanda nemese osy jyldyń sońyna deıin aıqaspaıtyny anyq. Eki tarap ta [Golden Boy Promotions jáne K2 Promotions] kelissózder júrgizip jatyr. Olardyń osy aptada kezdesetinine senimdimin. Kelissózder taıaý arada aıaqtalady dep oılaımyn. Men úshin qarymta jekpe-jek ótkizýge naǵyz qolaıly ýaqyt – 5 mamyr. «Sınko de maıo» – barlyq meksıkalyqtarǵa ortaq mereke. Eger jekpe-jek mamyr aıynda bolatyn bolsa, osy ýaqytqa deıin eshkimniń aıqaspaǵany  durys - bul eshkimniń jaraqat alyp qalmaýy úshin mańyzdy», - dedi Sanches.