Ashtan óltirmeıtin bıznes...

/uploads/thumbnail/20171028123002303_small.jpg

Jyndyhanadan aqsha berip, «jazylyp shyqqan» bir esalań halyqqa qyzmet kórsetý ortalyǵyna keldi.

--Búginge sálemetsiz be? Erteńge de sálemetsiz be? Onyń arǵy kúnine sálemetsiz be?
--Keshirińiz, ne dep kettińiz?
--Erteń de, onyń arǵy kúni de keletin shyǵarmyn, soǵan kúni buryn sálemdesip jatqanym ǵoı...
--Ia, ne sharýamen keldińiz?—dep surady beti qýyrylǵan bıdaıdaı qyzyl shyraıly qyz.
--Bıznes ashaıyn dep edim.
--Qandaı bıznes?
--Ashtan óltirmeıtin...
--Qurylys pa? Álde gazet ashasyz ba?
--Ashtan óltirmeıtin...
--Barlyq bıznes ashtan óltirmeıdi, aǵaı...
--Ashtan qatyp qalmaıtyn bızens ashqym keledi...
--Aıtsańyzshy endi...
--Ashtan qatyrmaıtyn...
--Týý, aǵaı, oınamańyzshy!
--Bıznesimniń aty-- «Ashtan qatyrmaıtyn»...
--Bıznes josparyńyz?
--Ashtan qatyrmaıtyn...
--Aǵaı, menimen oınap otyrsyz ba, ne?
--Bul erekshe joba. Ashtan qatyrmaıdy. Álem boıynsha men ǵana ashaıyn dep otyrmyn! Men ǵana! RNN, sık, ólgenim týraly kýáligim mine. Bıznesimdi tirkeý qujattaryn daıyndap berińizdershi..
--Ólgenińiz týraly kýáligi nesi?
--Á-á, byltyr meni «óltirip» qoıǵansyzdar. Jańa kýálik alarda solaı jazyp jiberipsizder...
--Jaraıdy, aıtyńyzshy, elde joq ol qandaı bıznes?
Kóktemde jyny qozatyn esýas yrjalaqtap, tómen qarady.
--Keshirińiz, aıtýǵa bolmaıdy. Qupıa.
--Qupıa bıznes degen bolmaıdy.
--Qamatyp jiberesizder...
--Nemene?
--Negizi qamatyp jiberseńizder, ókinesizder, mundaı bıznes álemde joq! Ia, ıa, tirkelgen, ashyq túri. Bári jasyryn bıznespen aınalysady! Sheneýnikter de! Kóleńkeli bıznes!
--Eshqaıda habarlamaımyn, aıtyp óltirińizshi...
--Negizi men bul bıznesti jasap, rahatyn kórip jatyrmyn. Ashtan óltirmeıdi eken. Sony tirketip alaıyn dep...
--Aıtasyz ba, joq pa?
Esýas jelkesin qasyp, murnyn shuqylady.
--«Jalǵan aqsha jasaý» JSHS-ny ashaıyn dep edim... Úıde prınterim bar. Bir mıllıon teńge basyp shyǵardym. Naǵyz aqshadan aıyra almaısyz. Kedeı-kepshikterge júz myńnan úlestirip jatyrmyn. Olar maǵan aıran, sút, tipti et asyp berip jatyr... Sizge qansha bereıin? Mıllıon? Mıllıard?
Aqshadan aýmaıtyn bir býma aqshany kórgende, qyzmetshi qyz talyp qaldy...

Muhtar SHERİM

Qatysty Maqalalar