Maıers-Brıggs dep atalatyn  psıhologıalyq test Ekinshi dúnıejúzilik soǵys kezinde paıda bolǵan. Atalǵan psıhologıalyq test sol jyldary áıelderdiń qandaı jumys jasaýǵa laıyq ekenin anyqtaý úshin keńinen qoldanylǵan. Bul test arqyly ár adam óziniń ishki jan dúnıesi men minez erekshelikterin jáne qabiletin bile alady.

Qazirgi kezde batys elderindegi ataqty kompanıalar osy testti qoldanyp júr. Psıhologıalyq test qarapaıym 4 suraqtan jáne 2 nusqadan turady.  Sodan keıin siz áripterden turatyn qatar arqyly ózińiz týraly jaqsyraq biletin bolasyz.

Siz úshin bul apta óte uzaq ári qıyn boldy. Siz qatty sharshadyńyz. Erteńgi demalys kúnińizdi qalaı ótkizesiz?

E) Dostaryma habarlasyp, aldaǵy demalys kúnine qandaı jospary bar ekenin suraımyn. Barlyǵymyz jınalyp kóńil kóterýimiz kerek.

İ) Telefonymdy óshirip tastap, úıde jalǵyz qalam. Telehıkaıa qaraýdy jalǵastyramyn, kitap oqımyn.

Qaı nusqa sizge az da bolsa sáıkes keledi?

S) Men úshin eń mańyzdysy dál osy sát. Men naqtylyqqa ǵan mán beremin.

N) Fakt – qyzyqsyz. Men armandaýdy, qıaldaýdy jaqsy kóremin. Keıde oqıǵalardan senarı qurastyramyn. Intýısıa arqyly tańdaý jasaımyn.

Siz jumys jasaıtyn kompanıanyń qyrsylasy saǵan jumys usyndy. Siz áli sheshim qabyldamadyńyz. Sizge usynys jasaǵan kompanıanyń jalaqysy joǵary, biraq sizdiń qazirgi ujymńyzdaǵylar óte keremet jandar. Sizdiń qazirgi basshyńyz da jaqyn arada dárejeńizdi kóteretinin aıtty. Siz qalaı sheshim qabyldaısyz?

T) Maǵan usynys jasaǵan kompanıany zertteımin. Eki jaǵdaıdy da birdeı jaqsy jáne jaman jaǵyn qarastyryp, salystyramyn.

F) Ózimniń ishki sezimimdi, júregimdi tyńdaımyn. İshki ıntýýısıama senemin.

Jaqyn dosyńyzdyń 2 aptadan keıin toıy bolady. Siz qalaı daıyndalyp jatyrsyz?

J) Men 1 aı buryn mýzykanttarmen kelisip qoıdym. Toı kúni mektep kezdegi bıdi bıleıtin bolamyz. Toıǵa tilegimdi de oılastyryp qoıdym. Aldyn ala kıimdi de, basqasyn da daıyndap qoıdym. Tek toı kúnin kútý ǵana qaldy.

P) Ne úshin erte daıyndalamyn? Men toıda emin-erkin demalatyn bolamyn. Toıǵa tilekti sol kezde aıtsam  ǵana shynaıy júrekten shyǵady. Barlyq keremet sátter kezdeısoq bolǵany úshin este qalady.

ESTJ – Basqarýshy

Siz barlyǵynyń ret-retimen turǵanyn, ret-retimen oryndalǵanyn qalaısyz.  Kez kelgen jumysty josparly túrde oryndaısyz. Alaıda siz ózgelerge ózińizdiń shynaıy ekendigińizge jáne ózińizdiń oıyńyzdyń durys ekendigine sendire alasyz. Ómirge parasatty adam retinde qaraısyz, kóbinese faktilerge senesiz.

Ashyq adamsyz, ózgelermen tez aralasa alasyz. Janyńyzǵa jaqyn jandarǵa óz mahabbatyńyzdy, qamqorlyǵyńyzdy kórsete bilesiz.

ENTJ – Komandır

Siz úshin ómir kúresten turady. Júrek jutqan adam dep sizdi aıtýǵa bolady. Táýekel ete alasyz. Bul jetistikke jete alatyndardyń ǵana qasıeti bolyp sanalady. Sonymen birge siz ózińizdiń kúshti jáne álsiz tusyńyzdy birdeı qarastyryp, baǵalaı bilesiz.

Jańalyq ashýǵa qumarsyz. Kez kegen jaǵdaıda pozıtıvti oılaı alasyz. Siz ómirińizdi sportpen baılanystyrǵansyz.  Sport dese ishken asyńyzdy jerge qoıatyn jansyz.

ESFJ – ustaz

Adamdarmen qarym-qatynas ornata alasyz. Kez kelgen adammen aralasa alasyz. Uqypty ári qamqor jansyz. Únemi ózgelerge qol ushyn soza alasyz, tipti ózge adam úshin ózińizge qymbat, mańyzdy dúnıeden bas tartasyz.

Óz jumysyńyzdy óz betińizben oryndaısyz, ózgelerdi kómegine muqtaj emessiz. Jaqyn adamdardan tek qoldaý kútesiz.

ESTP – marshal (generaldan joǵary ataq)

«Bastysy jeńis emes, mańyzdysy qatysý» degen siz úshin qatsty aıtylmaǵan. Árqashan bıikke umtylasyz. Ózińizdiń alǵa qoıǵan maqsatyńyzdy oryndamaı tynym tappaısyz, tipti fızıkalyq kúsh kerek bolsa da baryńyzdy salasyz. Únemi jospar jasap, oryndaısyz.

Týa bitti balýansyz, shıraq qımyldaısyz. Kez kelgen kúrdeli máselelerde tez sheshim qabyldaı alasyz.

ENFJ – jetekshi, tálimger

Qyzýqandy jansyz. Ózgelerdiń kóńil-kúıin, ne aıtqysy kelgenin birden túsinesiz. Tipti ózgeler kóre almaıtyn  jasandylyqty baıqaı alasyz. Sezimge kelgende senimsiz, qyzǵanshaqsyz.

Únemi bolashaqty oılaıtyn jansyz. Aldaǵy bolatyn keleńsizdikterdi sezip, daıyn turasyz.

ENTP – ónertapqysh

Ideıalardyń  generatory, únemi jańalyq oılap tabýdy unatasyz, ári oıǵa alǵan jańalyǵyńyzdy iske asyrasyz. Kez kelgen ortaǵa beıimdelip ketesiz. Qıyn jumystardyń jeńil jolyn taýyp, ony iske asyrasyz.

Ómirde oıǵa alǵan ıdeıany júzege asyrý úshin bárine barasyz.

ESFP – saıasattanýshy

Ózine berilgen múmkindikterdi kásibı turǵydan aldyn ala anyqtaı alady. Ózgelermen ózine qolaıly jáne ortaq qyzǵýshylyq  bolsa ǵana aralasady.

Ýaqytty bosqa ótkizgendi unatpaıdy. Jumysynyń nátıjesin asyǵa kútedi. Ózine bılik júrgizgisi keletinderdi jek kóredi.

ENFP – chempıon

Bilýge, úırenýge  qumar jansyz. Jan dúnıeńiz energıaǵa toly. Shyǵarmashylyqpen de aınalysa alasyz. Ózgelermen tez aralasa almaısyz, alaıda olardyń jan dúnıesin tez túsinesiz. Ózgelerge qoldaý bildire alasyz, keńes beresiz.

Ómirde kóptegen múmkindikter beriledi dep oılaısyz, sheksiz qıalǵa ıe jansyz. Qandaı qıyndyq bolmasyn óz-ózińizdi ustaı alasyz.

INFP – shıpager, emshi

Sizdiń jan dúnıeńiz lırıkaǵa qumar. Armanshyl, ishki túısigińizdi birinshi orynǵa qoıasyz. Keıbir oıyńyz sizdiń ishki jan dúnıeńizdiń túpkirine boılap, túsinýge múmkindik beredi. Kez kelgen oqıǵada túısikke senip, sheshim qabyldaısyz jáne adamdardy durys tanı alasyz.

Únemi jarqyrap júrgendi unatasyz, kez kelgen ýaqytta ádemi bolyp kóringińiz keledi.

ISFP – kompozıtor

Qarapaıym dúnıelerge qýana bilesiz. Ózgelerge kerek bolǵandy, kómek kórsetkendi unatasyz.  Urys-keristi boldyrmaýǵa, ózgelerdiń kóńil-kúıin kóterýge tyrysasyz.

Óte qamqor, názik, senimdi jansyz, adal jar bola bilesiz. Ómirdi qalaı bar solaı qabyldaısyz. Ózgelerge bılik júrgizgendi unatpaısyz.

INTP – arhıtektor

Ómirge fılosofıalyq turǵydan qaraısyz. Únemi qalypty kóńil kúımen júresiz. Sheshim qabyldar kezde 7 ret ólshep, 1 ret kesesiz. Saraptama jasaǵandy jaqsy kóresiz, ótkenińiz ben búgingi jáne keleshegińizdiń arasyndaǵy baılanysty izdeısiz.

Ózgeristerdi júrekke tez qabyldap, tez beıimdele almaısyz. Únemi fakt, ıdeıa izdeýmen bolyp, ózińizdi ózińiz sharshatasyz.

INFJ – keńesshi

Ózgelerdiń darynyn, qabiletin tez anyqtap, keńes bere alasyz. Sizden aqyl suraıtyndar kóp. Sizdiń júregińiz názik, tez jaralanady. Sezim, qamqorlyq jetispegen kezde qatty qınalasyz.

Sizdi alǵa jeteleıtin ishki túısik. Únemi ómirden sabaq alyp, óz ózińizdi shyńdap júresiz. Óz-ózińizdi taný arqyly ózgelerge aqyl aıtasyz.

INTJ – shabytandyrýshy

Rýhanı jaǵynan baı adamsyz. Barlyq qabiletińizdi shyńdaı bilesiz, sol úshin tyrysasyz.  

Alaıda ózgelermen til tabysýǵa kelgende qatty qınalasyz. Siz jalǵyzdyqty, táýelsizdikti  jaqsy kóresiz.  Ózińizdiń ishki túısigińizge senesiz.

ISFJ – qorǵaýshy

Ótirikti jek kóresiz. Adamdarmen qarym-qatynas kezinde óz adamdaryńyz men bóten adamdardy anyqtap, bólip alasyz. Bóten adamdarmen alystan aralasasyz. Al óz adamdaryńyz úshin baryńyzdy beresiz jáne aqysyna eshteńe suramaısyz.

Bergen ýádeńizdi oryndaısyz, aıtqan sózderińiz is-áreketińizge saı. Aqkóńil ári qamqor jansyz.

ISTP – zerger

Tehnıkany jaqsy meńgerseńiz de qolmen buıym jasaǵandy unatasyz. Sheshim qabyldaýǵa asyqpaısyz. Barlyǵyn oılastyryp, oılanyp baryp qana sheshim qabyldaısyz. Kezdesýge, jıynǵa keshikpeısiz.

Ómirdi ishki sezim arqyly tanısyz, kózqarasyńyz naqty áli obektıvti. Adamdardan jasandylyq baıqaǵan kezde onymen aralaspaýǵa tyrysasyz.

ISTJ – ınspektor

Únemi tereń oıda júresiz, jaýapkershilikti sezine bilesiz. Sizge senýge bolady, alaıda siz ózgelerge sene almaısyz. Barlyq aqparatty saraptap, anyqtaı alasyz. Qyzmettesterińizben tek jumys barysymen ǵana aralasqandy jón kóresiz, odan artyq aralaspaýǵa tyrysasyz. Nátıjeli jumysty ǵana atqarasyz.

Qataldyqty, tártipti unatasyz. Aspanda qalqyp júrmeısiz, únemi naqtylyqty unatasyz.