Almatylyq “Qaırat” klýbynyń kapıtany Baýyrjan Islamhan el birinshiliginde qazaqstandyq fýtbolshylar arasyndaǵy eń nátıjeli oıynshy atandy, dep jazady Qamshy.kz aqparat agenttigi Vesti.kz málimetine súıenip.

Jartylaı qorǵaýshynyń enshisinde 27 oıynnan keıin 11 gol (5 penaltı) bar. Jalpy surmergender arasynda ol tórtinshi orynǵa jaıǵasty.

Eń nátıjeli qazaq fýtbolshylary arasynda ekinshi orynda "Tobyldyń" shabýylshysy Alekseı Shetkın ornalasty. Onyń enshisinde 10 gol bar. Úshinshi orynǵa "Ordabasynyń" shabýylshysy Tańat Nóserbaev ornalasqan. Ol bıylǵy maýsymda qanjyǵasyn jeti ret maılady. 

19 jastaǵy "Tarazdyń" shabýylshysy Baqtıar Zaınýtjınovtyń enshisinde de jeti gol bar. Jas shabýylshysy tórtinshi orynǵa turaqtady. Besinshi orynǵa "Astana" klýbynyń jartylaı qorǵaýshysy Serikjan Mýjıkov jaıǵasty. Jartylaı qorǵaýshynyń enshisinde alty gol bar. 

Aıta keteıik, Islamhan, Shetkın jáne Zaınýtdınov el birinshiliginde 27 oıyn ótkizse, Nóserbaev 22, Mýjıkov 29, Mýrtazaev 32 kezdesýge qatysty. 

El birinshiliginiń eń úzdik surmergeni "Qaırattyń" shabýylshysy Jerar Goý atandy. Shabýylshy 32 oıynda 24 gol soqty. Ekinshi orynǵa 31 oıynda 19 gol soqqan "Astananyń" shabýylshysy Jýnıor Kabananga ornalassa, úshinshi orynǵa 30 oıynda 13 gol soqqan Patrık Tvýması jaıǵasty.