Qazaqstandyqtarǵa Juldyz Kakenovanyń oqıǵasy qatty áser etip, tańqaldyrdy dep jazady zakon.kz.

Juldyq Kakenova rak aýrýyna shaldyqqan. 2015 jyly ol Feısbýk jelisinde «Ómir súrgim keledi» degen paraqsha ashyp,  onda óziniń jazylýyshylarymen aýrýymen qalaı kúresip jatqanyn bólisip otyrǵan.

«Meniń ómirimde qaıǵyly jaǵdaı oryn aldy. Maǵan baýyr obyry men ókpe metastazasynyń 4-deńgeıi dıagnozy qoıyldy.

Eger basynan bastaıtyn bolsam... Búgin súıikti kúıeýim ekeýmizdiń  úılengenimizge 4 jyl boldy. İnjý esimdi qyzymyz bar. Kelesi aptada 3-ke tolady. Ol eki aılyq kezinde ınsýlt alyp, qazir jarty jyl saıyn qaıta qalpyna keltirý ortalyǵyna  baryp qaralamyz, emdelemiz. Osylaı medtekserýden ótip júrgende, 2015 jyly flúorografıaǵa tústim. Sol kúni maǵan emhanadan habarlasyp, qaıta kelýimdi surady. Ókpemde qara daqtardyń paıda bolǵanyn aıtty. Osydan keıin bitpeıtin tomografıalar men ÝDZ, analızder tapsyrý bastaldy. Astanadaǵy barlyq aýrýhanalarǵa baryp shyqtym. Onkologıa ortalyǵyna da bardym. Alaıda, onda mende eshqandaı rak joq ekenin aıtty. Olar hırýrgqa jiberdi, al olar bolsa, ártúrli dıagnoz qoıdy»-deıdi Juldyz.

Onyń aıtýynsha, ol Qytaıdyń Úrimshi qalasyna barýǵa sheshim qabyldaǵan. Kóptegen tekserýlerden keıin, oǵan ókpe men baýyr obyry degen dıagnoz qoıǵan. Ondaǵy hımıoterapıa emi qymbat bolǵandyqtan Juldyz qaıta Qazaqstanǵa kelgen.

«Astanaǵa qaıtyp kelip, Qytaıdaǵy qaǵazdardy kórsetkenimde, onda maǵan sende rak joq dep aıtty. Alaıda, olaı bolsa meniń keýdemde, baýyrymda ne bar degen suraq týyndady. Almatyǵa kelip Syzǵanov atyndaǵy hırýrgıa ǵylymı ortalyǵyna bardym. Ol jerde maǵan bıopsıa jasady. Qytaı dárigerleri qatelespegen eken. Meniń dıagnozym durys bolyp shyqty..»-deıdi Juldyz.

«Qymbatty dostar! Meniń ómir súrgim keledi. Men súıikti adamym men qyzymdy qaldyryp kete almaımyn! Bala súıgim keledi! Sizdermen birge bolǵym keledi!»-dep jazady ol.

Juldyzǵa Japonıadan kómek usynyldy. Alaıda ondaǵy bir em kýrsynyń 15 myń dollar turýyna  baılanysty qarjylaı kómek qarastyrylǵan bolatyn. Alaıda, naqty qajetti soma sol kúıi jınalmaǵan.

30 qazan kúni Juldy Kakenova kóz jumdy. Bul týraly onyń paraqshasynyń admınıstratory habarlaǵan.