Qyrǵyzstan prezıdenti Almazbek Atambaev Qyrǵyzstan astanasy Bishkekte Qyrǵyzstan men Reseı halqynyń dostyǵyna arnalǵan monýmentti qaıta qalpyna keltirip, saıabaq ashty. Bul jaıynda Qamshy.kz aqparat agenttigi Rıa Novostı málimetine súıenip habarlaıdy.
Biraz ýaqyt buryn Atambaev 7 qarasha - Uly Qazan tóńkerisi kúni degen ataýdy Tarıh jáne babalardy eske alý kúni dep ózgertý boıynsha Jarlyqqa qol qoıǵan bolatyn. Jarlyqqa sáıkes, 7-8 qarashada elde 1916 jylǵy kóteriliske baılanysty is-sharalar ótkiziledi.
Atambaev Reseı men Qyrǵyzstannyń dostyǵyn tanytatyn monýmentti restavrasıalaý jumystary men saıabaqtyń qurylysyna 45 myń dollar kóleminde qarjy bólgen.
«Qyrǵyzstan prezıdenti Almazbek Atambaev búgin, 7 qarashada, Tarıh jáne babalardy eske alý kúni qarsańynda Bishkekte Qyrǵyzstan men Reseıdiń dostyǵyn tanytatyn gúl baǵyn ashty» delingen habarlamada.
